Túrkistan oblysyndaǵy ógeı qyzdaryn qorlaǵan áıel týraly tyń derekter shyqty
28 jastaǵy jetisaılyq áıeldiń ógeı qyzdaryn azaptaý tásilderin dápterge jazyp otyrǵany belgili boldy.
Dál qazirgi ýaqytta úsh jasóspirim aýrýhanada jatyr. Qatty psıhologııalyq qysymǵa ushyraǵan qyzdar úreılenip qalǵan. Kórgen qorlyqtaryn ashyp aıtýǵa da qorqady, dep jazady otyrar.kz
Ógeı sheshe arnaıy dápterge qyzdardy qalaı azaptaǵanyn jazyp otyrǵan. Ol qyzdardy qysqysh, pyshaq, oqtaý, ınemen qınaǵan. Al sháılerine ydys jýatyn gel qosyp beredi eken. Aıaqtaryn ystyq sýǵa malǵan. "Ákeleriń kelgende kúlip turyńdar" degen qatań tapsyrmasy da bolypty.
Týystarynyń aıtýynsha, qyzdardyń týǵan anasy bes jyl buryn otbasynan ketip qalǵan, sodan beri balalaryn izdep kelmegen. Otaǵasy ekinshi áıelimen úsh jyldan beri turyp jatyr.
Mundaı azapqa qyzdar "ákemiz taǵy da aýyryp qalmasa eken" degen nıetpen tózip júripti. Ákeleri qyzdardyń anasymen ajyrasqanda ınsýlt alyp, qatty aýyrǵan eken. Ákeleriniń qınalǵanyn kórgen qyzdar taǵy da osy jaǵdaıdyń qaıtalanbaýy úshin tózip baqqan. Adamǵa tán emes aıýan áreketke barǵan ógeı sheshe qyzdardy "túrmege tússem de, qaıtyp kelgen soń esterińnen ketpeıtindeı etip, kek alamyn" dep qorqytady eken.
Ógeı ananyń ne úshin mundaı qorlyq kórsetkeni jumbaq kúıinde qalyp tur. Qamaýǵa alynǵan onyń 1 jas 7 aılyq uly bar. Odan bólek, ekinshi balaǵa júkti eken. Ózi ana bola tura, ógeı qyzdaryna kún kórsetpegen onyń bul qylyǵyn týystary da túsine almaı álek. Ábden ashynǵan qyzdardyń týystary "ógeı sheshe qatań jazasyn alsyn" dep otyr.
Polıııanyń habarlaýynsha, bul fakti boıynsha tergeý amaldary júrgizilip jatyr. Kúdikti áıel qamaýǵa alyndy.
Sputnik.
