Türkıstan oblysyndaǧy ögei qyzdaryn qorlaǧan äiel turaly tyŋ derekter şyqty
28 jastaǧy jetısailyq äieldıŋ ögei qyzdaryn azaptau täsılderın däpterge jazyp otyrǧany belgılı boldy.
Däl qazırgı uaqytta üş jasöspırım auruhanada jatyr. Qatty psihologiialyq qysymǧa ūşyraǧan qyzdar üreilenıp qalǧan. Körgen qorlyqtaryn aşyp aituǧa da qorqady, dep jazady otyrar.kz
Ögei şeşe arnaiy däpterge qyzdardy qalai azaptaǧanyn jazyp otyrǧan. Ol qyzdardy qysqyş, pyşaq, oqtau, inemen qinaǧan. Al şäilerıne ydys juatyn gel qosyp beredı eken. Aiaqtaryn ystyq suǧa malǧan. "Äkelerıŋ kelgende külıp tūryŋdar" degen qataŋ tapsyrmasy da bolypty.
Tuystarynyŋ aituynşa, qyzdardyŋ tuǧan anasy bes jyl būryn otbasynan ketıp qalǧan, sodan berı balalaryn ızdep kelmegen. Otaǧasy ekınşı äielımen üş jyldan berı tūryp jatyr.
Mūndai azapqa qyzdar "äkemız taǧy da auyryp qalmasa eken" degen nietpen tözıp jürıptı. Äkelerı qyzdardyŋ anasymen ajyrasqanda insult alyp, qatty auyrǧan eken. Äkelerınıŋ qinalǧanyn körgen qyzdar taǧy da osy jaǧdaidyŋ qaitalanbauy üşın tözıp baqqan. Adamǧa tän emes aiuan äreketke barǧan ögei şeşe qyzdardy "türmege tüssem de, qaityp kelgen soŋ esterıŋnen ketpeitındei etıp, kek alamyn" dep qorqytady eken.
Ögei ananyŋ ne üşın mūndai qorlyq körsetkenı jūmbaq küiınde qalyp tūr. Qamauǧa alynǧan onyŋ 1 jas 7 ailyq ūly bar. Odan bölek, ekınşı balaǧa jüktı eken. Özı ana bola tūra, ögei qyzdaryna kün körsetpegen onyŋ būl qylyǧyn tuystary da tüsıne almai älek. Äbden aşynǧan qyzdardyŋ tuystary "ögei şeşe qataŋ jazasyn alsyn" dep otyr.
Polisiianyŋ habarlauynşa, būl faktı boiynşa tergeu amaldary jürgızılıp jatyr. Küdıktı äiel qamauǧa alyndy.
Ögei şeşe üş qyzdy qalai azaptaǧanyn däpterge jazyp otyrǧan
Sputnik.
