Astanada bos jūmys oryndary järmeŋkesı öttı

3191
Adyrna.kz Telegram
https://adyrna.kz/content/uploads/2023/08/de3fbe28-cf71-427b-b67a-177610860ee0.jpeg
Astana bos jūmys oryndary järmeŋkesı öttı, dep habarlaidy “Adyrna”. Memleket Basşysy Qasym-Jomart Toqaev elımızdıŋ äleumettık-ekonomikalyq damuy jönındegı keŋeste «jaŋa jūmys oryndary uaqytşa emes, tūraqty bolǧany jön» degen bolatyn. Bügıngı taŋda är aimaq boiynşa jūmyspen qamtu kartalary bekıtılgen. Josparǧa säikes jyl saiyn 950 myŋ adamǧa jūmys tauyp beru közdelgen. Olardyŋ barlyǧy derlık jastar men äleumettık tūrǧydan osal sanattaǧy azamattar. Astana qalasy äkımdıgınıŋ Eŋbek mobildılıgı ortalyǧy ūiymdastyrǧan «Bos jūmys oryndary järmeŋkesı» halyqty tūraqty jūmyspen qamtudyŋ negızgı közıne ainalyp otyr. Sebebı jyl basynan berı ortalyq arqyly 8 myŋǧa juyq adam öz jūmysyn tapqan. «Bos jūmys oryndary järmeŋkesı» osymen on ekınşı ret ötkızılıp otyr. Tamyz aiynyŋ soŋynda taǧy bıreuı ötedı, al jyl soŋyna deiın bes järmeŋke ötkızu josparymyz bar. Mūndai şaralar jūmys beruşıge de, jūmys ızdeuşıge de mümkındık beredı. Öitkenı, jūmys ızdep jürgen adam jūmys beruşımen tıkelei sūhbattasu mümkındıgıne ie. Tıptı, bırden jiyrma şaqty mekemege öz tüiındemesın qaldyryp, qysqa uaqytta jūmys tabuyna bolady», – deidı Astana qalasy äkımdıgınıŋ Eŋbek mobildılıgı ortalyǧynyŋ direktory Omar Oljas. Järmeŋkege jūmys ızdep kelgenderdıŋ denı oqu oryndaryn endı bıtırgen tülekter ekenı baiqalady. Olar köbıne bılım beru, medisina, IT jäne qarjy salalary boiynşa jūmys beruşılermen sūhbattasty. «Astana qalasynyŋ «Eŋbek mobildılıgı ortalyǧy» jyl basynan berı 18 şaǧyn jäne 2 ırı bos jūmys oryndar järmeŋkesın ötkızgen bolatyn. Osy aralyqta järmeŋkemızge 286 jūmys beruşı 3 myŋǧa juyq bos jūmys ornymen qatysty. Al bügın 75-ten astam ırı jūmys beruşı keluşılerge 600-ge juyq bos jūmys ornyn ūsynyp otyr. Järmeŋkege ärtürlı saladaǧy jūmys beruşıler qatysty. Mäselen, qūrylys, densaulyq saqtau, bılım beru, qarjy salalary jäne t.b. Jıktemelep aitar bolsaq, bügıngı taŋda «Jasyl aimaq» ūiymyna 30-40 jürgızuşı, Astana qalalyq Polisiia departamentıne 100 qyzmetker qajettılıgı bar. Odan bölek, Halyq bankı, Houm Kredit bankı, «BAZİS-A» qūrylys kompaniiasy, «Sentrkazenergmontaj» AQ, «Magnum» sauda jelısı, «Mechta» dükenı, «SMEU Astana» JŞS jäne basqa da köptegen kompaniialar jūmys ızdegen jandarǧa bos oryn ūsynuǧa äzır», – dedı Astana qalasy äkımdıgınıŋ «Eŋbek mobildılıgı ortalyǧy» KMM «Saryarqa» Mansap ortalyǧynyŋ basşysy Baǧila Orymbetova. Tärtıp saqşysy bolǧysy keletınder eŋ aldymen būǧan deiın qylmystyq jäne äkımşılık jauapkerşılıkke tartylmaǧan boluy tiıs. «Partruldık polisiia polkıne jasy 18-35 jas aralyǧynda nemese arnaiy orta bılımderı qūqyqtanu mamandyǧy, dene şynyqtyru mamandyǧy, jol qozǧalysyn ūiymdastyru mamandyqtary boiynşa jūmysqa qabyldaimyz», - dedı Astana qalalyq PD patruldık polisiia polkı rota komandirınıŋ orynbasary Asylhan Jüzbaev. «Öz jūmysymdy taptym. Partruldık polisiiaǧa qyzyǧuşylyq tanytyp otyrmyn. Talaptary kelıp tūr. Aldymen memlekettık emtihan tapsyruym kerek eken. Sosyn baryp Pavlodarǧa ekı aiǧa oquǧa jıberedı. Jalaqysy alǧaşqyda 180 myŋ teŋge delındı. Jalpy baruǧa niet bar», - dep ynta bıldırdı jūmys ızdeuşı Ainabek Mūsylman. «İä, mektepterge baryp kördım. Konkursqa qūjattarymdy tapsyrdym. Jalaqysy 200 myŋnan bastalady eken. Negızgı mamandyǧym – matematika pänı mūǧalımı. Talaptary sol bärınde derlık bırdei. Būǧan deiın kolledjde ıstegenmın. Endı mektepke kırgım keledı», - dedı qala tūrǧyny Jastalapova Janargül.
Pıkırler