Şymkent-Almaty. Jantürşıgerlık jol apaty. 11 adam qaitys boldy

Almaty-Taşkent avtojolynyŋ 181 şaqyrymynda Toyota Camri jeŋıl avtkölık (memlekettık nömerı 811 IJA 02) osy baǧytta jürıp bara jatqan Mersedes-Bens 814 ( 209HOA 08) jük kölıgınıŋ artyna soǧylǧan. Apat saldarynan jeŋıl kölıkte otyrǧan äiel oqiǧa ornynda köz jūmdy. Sol sätte Şymkent qalasynan Almaty qalasyna bet alǧan Van Hool ( memlekettık nömerı 8213 FA 13) avtobusy apatqa ūşyraǧan kölıktı ainalyp ötpek bolyp, audarylyp kettı. Avtobustaǧy 46 jolauşynyŋ 8-ı oqiǧa ornynda qaza boldy. 46 azamattyŋ 44-ı Özbekstan azamattary, 2-ı qazaqstandyq. Oqiǧa ornyna jedel türde Qordai audanynyŋ äkımı, jedel järdem, tötenşe jaǧdai qyzmetterı jetıp, zardap şekkenderdı Otar, Qordaidaǧy auruhanalarǧa jetkızdı. Apatqa ūşyraǧandardyŋ 2-euı auruhanaǧa jetpei köz jūmǧany belgılı boldy. Sonymen apat saldarynan 11 adam qaza tapty. Sondai-aq 5 adam ota üstelınde, al 3 adam jan saqtau bölımınde jatyr. Jaraqat alǧan basqa jolauşylarǧa tiıstı kömek körsetılude. Zardap şekkenderge jedel kömek körsetuge oblys äkımdıgınıŋ densaulyq basqarmasynyŋ basşysy M. Jūmanqūlov bastaǧan 3 otaşy-därıger tıkūşaqpen Qordai audanyna jetkızıldı. Oryn alǧan oqiǧaǧa qatysty arnaiy komissiia qūryldy. Onyŋ qūramynda oblys äkımınıŋ bırınşı orynbasary B.Orynbekov, oblystyq polisiia departamentınıŋ bastyǧy A.Orazaliev, basqa da tiıstı lauazym ielerı bar. Komissiia oqiǧanyŋ ornyna baryp, jol-kölık oqiǧasynyŋ män-jaiyn anyqtap, zardap şekkenderge sapaly kömek körsetudı ūiymdastyruda. Sonymen bırge oqiǧa ornynda oblys prokurory J.Qūsaiynov jūmys jasauda. Apatqa qatysty Qazaqstan Respublikasy Qylmystyq kodeksınıŋ 345 babynyŋ 4 tarmaǧyna sai qylmystyq ıs qozǧaldy.