“Qazaqmys” kompaniiasynyŋ ereuılge şyqqan kenşılerı jūmysyn jalǧastyrady, dep habarlaidy “Adyrna” tılşısı kompaniianyŋ baspasöz qyzmetıne sılteme jasap.
2023 jyldyŋ 14 tamyzynda tüngı auysymǧa tüsken Sätbaev öndırıstık uchaskesınıŋ №65 şahtasynda bırneşe kenşıler men merdıger ūiymdardyŋ jūmysşylary jūmysty toqtatatyny turaly habarlap, ereuılge şyqqan bolatyn. Artynşa Ūlytau öŋırınde ereuılge şyqqan jüzden astam kenşı 15 talap qoiǧan.
Olar eŋbek jaǧdaiyn jaqsartudy, jūmysşylardyŋ eŋbek ötılın esepke aludy, eskı tau-ken jabdyqtaryn kondisionerı bar jaŋa qondyrǧylarǧa auystyrudy sūraidy. Mügedektık paiyzyn 29-dan 50 paiyzǧa deiın arttyru, jaqynda qaitys bolǧan jūmysşy E. Erbosynovtyŋ ūlyn jūmysqa alu men qolda bar barlyq aqşalai syiaqylardy berudı talap etken.
Sonymen qatar, narazylyq bıldıruşıler erıktı medisinalyq saqtandyru şarttaryn qaita qaraudy taǧy bırneşe mäselelerdı qarastyrudy sūrady.
Ereuılşılerge «Qazaqmys» kompaniiasynyŋ basşylyǧy, prokuratura qyzmetkerlerı, jergılıktı atqaruşy bilık ökılderı attandy Kompaniia basşylyǧy tuyndaǧan mäselelerdı şeşu üşın kenşılerdıŋ bastamaşyl tobymen kelıssözder jürgızıp, bır mämılege kelgen.
Kenşılerdıŋ keibır sūraqtary şahtada kelısılıp, qanaǧattandyryldy. Köterılgen mäselelerdıŋ ekınşı bölıgınıŋ oryndaluy zaŋnamalyq özgerısterge qatysty bolǧan. Sol sebeptı olardy şeşu üşın qosymşa uaqyt qajet. Olardy qyzmetkerler men jūmys beruşı ökılderınen tūratyn arnaiy qūrylǧan bastamaşy top pysyqtaityn bolady.
Kelıssözder nätijesınde käsıporyndarda jūmys jalǧasuda. Sondai-aq ereuılge şyqqan kenşılerdıŋ tärtıptık jauapkerşılıkke tartylmaityny aityldy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz