Almaty oblysynyŋ Saimasai auylynda gaz qūiu stansiiasynda ört bolyp, 2 adam auruhanaǧa tüstı. Būl turaly Tötenşe jaǧdailar ministrlıgı mälımdedı, dep habarlaidy “Adyrna” ūlttyq portaly.
Mälımet boiynşa, oqiǧa keşe, 19 tamyz künı saǧat 17:50-de Eŋbekşıqazaq audany, Saimasai auyly, Rysbekov köşesı, 1a mekenjaiynda bolǧan.
«Ötebaeva» jeke käsıpkerlıgıne tiesılı Saimasai auylynyŋ gaz qūiu stansiiasynda gaz ballony janyp, ot saqtau jäne satu üşın arnalǧan konteinerlık ülgıdegı qoimaǧa köşken.
Gaz ballondarynyŋ jappai januy (şamamen 40 dana) jäne joǧary temperaturanyŋ paida boluy saldarynan ört qoimanyŋ janynda tūrǧan «ZİL» gaz qūiu maşinasyna auysty. Kölemı 3 tekşe metr kölık gazǧa toly bolǧan.
Odan bölek, qoimada ärtürlı syiymdylyqtaǧy şamamen 260-300 dana gaz ballondary bolǧan. Būdan bölek, qoimanyŋ janynda gazben toltyrylǧan kölemı 4 tekşe metr jerasty qoimasy ornalasqan.
Oqiǧa ornyna kelgen alǧaşqy bölımşeler jedel ıs-äreket etıp, gaz qūiatyn avtomobildıŋ, gazy bar jerasty qoimasynyŋ, sondai-aq qoimadaǧy qalǧan ballondardyŋ jarylu qaupınıŋ aldyn aldy. Ört ornyna «joǧary şyǧu» därejesı boiynşa şyǧu kestesıne säikes bölımşeler jıberıldı. Jalyn saǧat 18:28-de oqşaulanyp, saǧat 18:45-te tolyǧymen joiyldy. Ört saldarynan gaz qūiu stansiiasynyŋ 2 qyzmetkerı ärtürlı därejede küiık alyp, jedel medisinalyq järdem qyzmetkerlerıne tapsyryldy, - delıngen TJM habarlamasyndaJarylystyŋ tuyndau jäne jalynnyŋ 30 metr qaşyqtyqta ornalasqan tūrǧyn üi alabyna auysu qaupı boldy.
Ūqsas jaŋalyqtar
