Tarazdaǵy mektepte jarylys bolyp, úsh adam 3-qabattan sekirip ketken. Jeti adam aýrýhanaǵa jetkizildi, onyń ekeýi qazir jansaqtaý bóliminde jatyr. Bul týraly Astana telearnasy jarııalady, dep habarlaıdy “Adyrna” ulttyq portaly.
Aqparatqa súıensek, oqıǵa 17 qyrkúıek kúni túngi saǵat 12 jarymda bolǵan. Ony jergilikti bılik jasyryp qalǵysy kelgenge uqsaıdy. Qazir órttiń neden tutanǵany anyqtalýda.
- Órt bolǵan kúni aımaq basshylyǵy aýrýhanaǵa baryp, jaraqat alǵandarǵa jaqyn arada aıaqqa turǵyzýǵa kómegimizdi aıamaımyz dep ýáde beripti. Biraq odan keıin habarlaspaǵan. Osy kúnge deıin eshqandaı kómek joq. Oblystyq ákimdik kelip, jaqsylap kómektesemiz, aıaqtan turǵyzamyz degen. Áli eshqandaı kómek bop jatqan joq Qyzdardyń jaǵdaılary qalaı bolady endi múgedek te bolyp qalýy múmkin ǵoı, - deıdi qala turǵyny Gúljan Sadyqulova .
Taǵy bir qala turǵynynyń aıtýynsha, Astanadan keletin maman ota jasaýdan bas tartypty.
- Erterek operaııasyn jasasa. Mine búgin úshinshishi kún boldy ǵoı, biz áli júrmiz osy jerde. Áli Astanadan keledi, mine jasaıdy, mine keledi, mine kele jatyr biraq joq habar. Al endi qazir aıtyp tur Astana otkaz berdi dep, - deıdi ol.
Taraz qalasynda jeti mektep jańa oqý jylynda bitpeı qalǵan edi. Qurylysy keshikken mektepterdiń biri osy. Merdiger jóndeýdi tez bitirýi úshin eki aýysymda jumys istetken. Bul mekteptiń 1021 oqýshysy mańaıdaǵy 3 mektepke bólinip oqýda. Al bilim ordasynda bolǵan jarylystan barlyǵy 7 adam zardap shekken. Onyń úsheýi jeńil jaraqat alsa, taǵy 2-in kúıik shalǵan. Al úshinshi qabattan sekirip ketken eki qurylysshy qyz jansaqtaý bóliminde jatyr, - deıdi Salıma Narymbetova.
Al qalalyq №1 aýrýhana bas dárigeriniń orynbasary Sáken Jumashev qala ákimdigine arqa súıeýde:
- Qabyrǵalary synǵan, omyrtqalary synǵan jáne bir aıaǵy synǵan. Sondyqtan qazir ony jyljytyp Astanaǵa samoletke salyp jiberýge bolmaıdy. Sol jaqtyń speıalıstteri kelip osynda operaııa jasamaqshy.
Qala ákimi eshkim jaýapkershilikten qashyp jatqan joqtyǵyn aıtyp, barlyǵy kómek kórsetiledi dep otyr.
Taraz qalasynyń ákimi Baqytjan Orynbekov zardap shekkenderge merdiger kómektesetinin aıtty.
- Merdiger jaýapkershilikten qashyp otyrǵan joq. Zardap shekken azamattarǵa tolyq kómek kórsetýge daıyn. Qyzdar emin qabyldap jatyr. Dárimen basqa nársemen qamtamasyz etilgen. Bolashaqta reblıtaııa qajet bolatyn bolsa merdiger óz tarapynan sol máseleni sheshýge daıyn ekenin aıtty. Órt qaýipsizdigin qamtamasyz etpegen dep tanylyp, qazir qylmystyq is ashyldy. Ázirge órttiń neden tutanǵany belgisiz. Tek jarylystyń boıaý qutysynan shyqqan degen boljam bar, - dedi ákim.
