Qostanaıda ǵımarattaǵy jarylys saldarynan bolǵan úıindiden taǵy bir adam qutqaryldy. Qostanaı oblysy Tótenshe jaǵdaılar departamentiniń bastyǵy Qaırat Qasym qazir úıindi astynda keminde úsh adam bolýy múmkin ekenin aıtty, dep habarlaıdy “Adyrna” ulttyq portaly.
Qutqarylǵan 40 jastaǵy er adam, bas-mı jaraqatyn alǵan. Jumys berýshi usynǵan tizimge sáıkes úıindi astynda kemi úsh adam bolýy yqtımal.
«Úıindi astynda mekemege qatysy joq adamdardyń, ıaǵnı mekeme klıentteriniń bar-joǵy belgisiz. Sol sebepti apattyq-qutqarý jumystaryn áli de jalǵastyramyz», - dedi Qaırat Qasym.
Onyń sózinshe, izdestirý jumystaryna ǵımarat konstrýkııasy, sondaı-aq jarylystan qıraǵan túrli tehnıkalar kedergi keltirýde. Qatty aıazdyń jáne konstrýkııa qırandylarynyń kóp bolýy izdeý-qutqarý jumystaryn qıyndatty.
Jalpy oqıǵa ornynan barlyǵy 11 adam aýrýhanaǵa jatqyzyldy.
Buǵan deıin habarlaǵanymyzdaı, Qostanaı oblysynda búgin túste bir qabatty ǵımarattaǵy gaz jarylys saldarynan 7 adam úıindi astynda qalǵan. Bir saǵat buryn úıindi astynan eki adam tabyldy jáne bir adam qaza tapqan. Izdestirý jumystary jalǵasýda.
