Köpbalaly otbasylar baspana alu üşın jeke kezekke tūrady
Bügın mäjılıs köpbalaly otbasylar men köpbalaly analarǧa bırınşı kezekte baspana alu qūqyǧyn beretın zaŋ jobasyn maqūldap, senatqa jıberdı, dep habarlaidy Sputnik Qazaqstan tılşısı.
Deputat Şavhat Ötemısovtıŋ aituynşa, zaŋ jobasyna satyp alu qūqyǧynsyz jalǧa berıletın tūrǧyn üi ūǧymy engızılgen. Būl tabysy tömen halyqtyŋ äleumettık osal tobyna arnalǧan satyp alu qūqyǧynsyz jalǧa berıletın tūrǧyn üidıŋ tūraqty kommunaldyq qoryn qūruǧa mümkındık beredı.
Köpbalaly otbasylar kezekke tūrady
"Altyn alqa", "Kümıs alqa" alqalarymen nagradtalǧan nemese "Batyr ana", sondai-aq, I jäne II därejelı ana daŋqy ataǧyn alǧan köpbalaly analar jäne köpbalaly otbasylar sanaty üşın tūrǧyn üi aluǧa jeke kezektılık engızu közdelıp otyr", - dedı mäjılısmen. Onyŋ aituynşa, qazırgı uaqytta 31 725 köpbalaly otbasy kezekte tūr. Köpbalaly otbasylardy jalǧa berıletın baspanamen qamtu üşın "Nūrly jer" baǧdarlamasy boiynşa jyl saiyn 50 milliard teŋge bölınbek. Nätijesınde jylyna kemınde 6 myŋ päter salynady.Jastardy baspanamen qamtu
Sonymen qatar, zaŋ jobasynda jūmys ısteitın jastardy qoljetımdı baspanamen qamtu mäselesı qaralǧan."Nūrly jer" aiasynda 2019-2025 jyldary Nūr-Sūltan, Almaty, Şymkent qalalarynda eŋbek etetın jastar üşın jyl saiyn kemınde bır myŋ jalǧa berıletın baspana salu josparlanyp otyr. Jūmys ısteitın jastar üşın būl jaqsy mümkındık", - dedı Ötemısov.
Deputat tūrǧyn üi qatynastary turaly zaŋ jobasy köpbalaly otbasylar men jūmys ısteitın jastardyŋ tūrǧyn üi jaǧdaiyn jaqsartuǧa, äl-auqatyn jäne ömır süru deŋgeiın arttyruǧa yqpal etetının tılge tiek ettı. Mäjılıs zaŋ jobasyn maqūldap, senatqa joldady.Sputnik
