Abel Sanches Golovkin bapkerlık qyzmetıme menı qorlaityn ötemaqy ūsyndy dep mälımdedı
Gennadii Golovkin bapker Abel Sanchespen būdan bylai jūmys ıstemeitının mälımdegen bolatyn. Qazaqstandyq boksşyny toǧyz jyl jattyqtyrǧan amerikalyq bapker būl aqparatty rastady.
Sanchestıŋ aituynşa, Golovkin onyŋ qyzmet aqysynyŋ kölemın qaita qarauǧa şeşım qabyldaǧan. Al bapker jaŋa ūsynys menıŋ namysyma tidı ärı tiımsız dep otyr.
"Bügınnen bastap Gennadii Golovkinmen jūmys ıstemeimın", – dedı Sanches baspasözge. – Toǧyz jylda rekordtar ornatuyna jäne DAZN kompaniiasymen alty jekpe-jekke 100 milliondyq kelısımşart jasauyna jaǧdai jasadym, Boks daŋqy zalynyŋ bolaşaq müşesınıŋ karerasyn damytuǧa kömektestım, osydan keiın ol bapkerlık qyzmetım üşın menı qorlaityn jaŋa ötemaqy shemasyn qabyldaudy ūsyndy jäne talap ettı. Mūndai ūsynysty qabyldauǧa menıŋ ar-namysym jıbermedı. Ökınışke qarai, saraŋdyq, jaqsylyqty bılmeu jäne etikanyŋ, qūrmettıŋ nemese adaldyqtyŋ bolmauy qarym-qatynasymyzdy toqtatuǧa äkeldı".
Sanches bapkerlık eŋbegıne qanşa aqy alyp kelgenın aitqan joq, alaida Los Angeles Daily News-ke telefon arqyly Golovkinnıŋ gonorarynyŋ 10 posentın alǧanyn habarlaǧan, boksşy būdan edäuır az soma ūsynǧan. Golovkinnıŋ ökılı Tom Leffler būl jaǧdaiǧa tüsınıkteme beruden bas tartty, dep habarlady Sports.kz.
