Bügın Aqparat jäne qoǧamdyq damu ministrı Aqmola oblysynyŋ Zerendı audanynda “Jastar Akademiiasy” aiasynda ötıp jatqan “Ädılettı Qazaqstan - adal azamat” dialogtyq alaŋyna qatysty.
Atalǧan ıs-şaraǧa Qazaqstannyŋ barlyq öŋırınen kelgen 100-den astam jastar qyzmetkerlerı üş kün ışınde türlı treningterge qatysyp, özara täjıribe almasty. Būl turaly Darhan Qydyrälı özınıŋ paraqşasynda jazdy.
Is-şara aiasynda ötken “Ädılettı Qazaqstan - adal azamat” atty jiynda Memlekettık qyzmet ısterı agenttıgınıŋ töraǧasy Darhan Jazyqbaev, Aqmola oblysy äkımınıŋ bırınşı orynbasary Eldos Ramazanov, “Amanat” partiiasynyŋ atqaruşy hatşysy Däulet Kärıbek te söz söilep, jastarǧa paidaly aqparattar berdı.
“Özderıŋızge belgılı, Memleket basşysy Türkıstandaǧy Ūlttyq qūryltaida jastarymyz tuǧan jerdıŋ eşkımge ūqsamaityn erekşelıgı men bıregei bolmysyn jer jüzıne tanytyp jürgenın erekşe atap ötkenı belgılı. Sonymen qatar «Jas ūrpaq tarih taǧylymyn jäne eldıŋ jarqyn bolaşaqqa ūmtylysyn bır arnaǧa toǧystyryp jatyr. Osy serpılıstıŋ qarqynyn saqtai otyryp, ony küşeite tüsu – memlekettıŋ mındetı» degen edı”, - dep jazdy ministr.
Biyl «Memlekettık jastar saiasaty turaly» zaŋ öz küşıne endı. Jastar sanaty 35 jasqa deiın ūlǧaidy. Qazır olardyŋ sany 6 mln-ǧa östı. Zaŋdy ıske asyru üşın, 7 baǧyt jäne 80 ıs-şaralar keşenıne qoljetkızudı közdeitın 2029 jylǧa deiın arnalǧan Memlekettık jastar saiasatynyŋ tūjyrymdamasy qabyldandy.
Aqparat jäne qoǧamdyq damu ministrı “Parlament Mäjılısı men mäslihattarda jastar, äielder jäne mügedektıgı bar adamdar üşın 30% kvota engızıldı jäne barlyq deŋgeidegı qoǧamdyq keŋesterde jastar üşın 20% kvota engızu josparlanuda. Būnyŋ barlyǧy Memleket basşysynyŋ qamqorlyǧymen jastarǧa degen qamqorlyǧy dep tüsıngen abzal” dedı.
Ökınışke orai, jastar arasyndaǧy ölım men suisid jiılep tūr. Sol sekıldı jastardyŋ zaŋ būzuy, naşaqorlyq, qarjy jönınen sauattyŋ az boluy, jūmyssyzdyq mäselesı bar. Būl mäselelerdı şeşu üşın naqty jūmystar atqarylyp jatyr.
Jaqyn arada jastarmen jūmys jönındegı mamandarǧa arnalǧan käsıbi standarttar qabyldandy. Būl jūmysty jüieleuge jäne JRO qyzmetkerlerın ırıkteudıŋ naqty ölşemderın anyqtauǧa mümkındık beredı.
Qazır jastarǧa arnalǧan Bıryŋǧai interaktivtı aqparattyq-sifrlyq platforma qūru josparlanyp otyr. Platformalar arqyly jastardy qoldaudyŋ barlyq memlekettık şaralary turaly bıluge jäne belsendı qatysuǧa mümkındık bar. Platformada memlekettık baǧdarlamalar men jobalarǧa qatysudyŋ naqty algoritmderı jazylatyn bolady.
Ministr soŋǧy jyldary elımızde kreativtı industriia qarqyndy damyp keledı. Talantty jastarymyz ärtürlı salada jarqyrap körınıp, jemıstı eŋbek etude. Memleket basşysy da kreativtı industriia salasyna jıtı köŋıl bölu kerek ekenın atap ötken edı. Sondyqtan biyl Memlekettık «Daryn» jastar syilyǧyna alǧaş ret «Kreativtı qyzmet» nominasiiasy qosylyp otyrǧanyn atap öttı.
Dialogtyq alaŋ soŋynda jastar kökeiındegı sūraqtaryn qoiyp, jastar ortalyqtaryn kadrlyq daiarlaudan ötkızu syndy ūsynystar jasady.
(s) QR AQDM baspasöz qyzmetı
"Adyrna" ūlttyq portaly
