Būl turaly Aqparat jäne qoǧamdyq damu ministrı Darhan Qydyrälı Zerendıde ötken respublikalyq jastar akademiiasynda aitty. Ministrdıŋ sözınşe, būl jūmysty jüieleuge jäne jastar resurstyq ortalyqtary qyzmetkerlerın ırıkteudıŋ naqty ölşemderın anyqtauǧa mümkındık beredı.
Aqmola oblysynyŋ Zerendı audanynda Aqparat jäne qoǧamdyq damu ministrınıŋ ūiymdastyruymen “Ädılettı Qazaqstan - adal azamat” jastar akademiiasy ötıp jatyr.
Atalǧan ıs-şaraǧa Qazaqstannyŋ barlyq öŋırınen kelgen 100-den astam jas üş kün ışınde türlı treningterge qatysyp, özara täjıribe almasty. Būl turaly Darhan Qydyrälı özınıŋ paraqşasynda jazdy.
Is-şara aiasynda ötken “Ädılettı Qazaqstan - adal azamat” atty jiynda Memlekettık qyzmet ısterı agenttıgınıŋ töraǧasy Darhan Jazyqbaev, Aqmola oblysy äkımınıŋ bırınşı orynbasary Eldos Ramazanov, Amanat partiiasynyŋ atqaruşy hatşysy Däulet Kärıbek te söz söilep, jastarǧa paidaly aqparattar berdı.
“Özderıŋızge belgılı, Memleket basşysy Türkıstandaǧy Ūlttyq qūryldaida jastarymyz tuǧan jerdıŋ eşkımge ūqsamaityn erekşelıgı men bıregei bolmysyn jer jüzıne tanytyp jürgenın erekşe atap ötkenı belgılı. Sonymen qatar «Jas ūrpaq tarih taǧylymyn jäne eldıŋ jarqyn bolaşaqqa ūmtylysyn bır arnaǧa toǧystyryp jatyr. Osy serpılıstıŋ qarqynyn saqtai otyryp, ony küşeite tüsu – memlekettıŋ mındetı» degen edı”, - dep jazdy ministr.
Biyl «Memlekettık jastar saiasaty turaly» zaŋ öz küşıne endı. Jastar sanaty 35 jasqa deiın ūlǧaidy. Qazır olardyŋ sany 6 mln-ǧa östı. Zaŋdy ıske asyru üşın, 7 baǧyt jäne 80 ıs-şaralar keşenıne qol jetkızudı közdeitın 2029 jylǧa deiın arnalǧan Memlekettık jastar saiasatynyŋ tūjyrymdamasy qabyldandy.
(s) QR AQDM baspasöz qyzmetı
"Adyrna" ūlttyq portaly
