Täjıkstannyŋ mädeniet künderın atap ötu aiasynda Qazaqstanda EXPO keşenınıŋ alaŋynda auqymdy järmeŋke-körme ūiymdastyryldy. Körmedegı bar igılıktı köruge barǧan tūrǧyndardyŋ "erekşe belsendılıgı" qoǧam tarapynan qyzu talqyǧa tüstı. "Adyrna" ūlttyq portaly keşegı bolǧan jaǧdaiǧa qatysty pıkır bıldırgen qoǧam belsendılerınıŋ azamattyq pıkırlerıne şolu jürgızıp kördı.
Körme barysynda elorda qonaqtary men tūrǧyndaryna auyl şaruaşylyǧy önımderı, kökönıs önımderı, dästürlı baqşa daqyldary jäne özge de zattar ūsynylady. Körme soŋyndaǧy jaǧdai būqaralyq aqparat qūraldarynyŋ nazaryna ılıktı.
Būǧan qatysty jurnalist Güljan Qyzaibai bylai deidı:
Astana törındegı körmege qatysty ǧoi. Adamdardyŋ talap alyp jatqanyn synap jatyr ekensızder. Al menıŋ Köşege ,iaǧni adamnyŋ aiaǧynyŋ astyna jaiyp tastaǧan jemıs-jidekke janym aşyp otyr. Sony maŋdai termen ösırgen şarualardyŋ eŋbegın aitsaŋyzşy…Qaita japa tarmaǧai alyp jatqan adamdarǧa rizamyn, äitpese bosqa şırıp ketedı ǧoi. Älde soş küiınde alyp kete me? Jurnalist Güljan QyzaibaiQoǧam belsendısı Säken Handillaev:
- Qazaǧym - qonaq kelse qūdaiyndai syilaityn, kelgen qonaqqa "soŋǧy asy" bolsa da aldyna qoiatyn , qonaqjailylyǧymen bükıl älemge tanylǧan el edı... Sonau jerden Täjıkstan Prezidentı bastap, "baryn - naryn" arqalap kelgen täjık aǧaiyndar kökönıs pen jemıs - jidekterınen, qolöner būiymdary men as mäzırlerınen qūralǧan körme üş künge sozyluy tiıs bolǧan eken. Alaida bızdıŋ Astana men Şymkent qalasynyŋ "qonaqjai" tūrǧyndary atalǧan körmenıŋ önımderın bır saǧatqa jetkızbei talap - tonap tasyp ketken. Sol körmeden qoldy qylyp alyp ketken bır bau jüzımı men bır qarbyzy beine bır ömır boiyna jetetın azyq bolardai, jerlesterımızdıŋ būl äreketterı bükıl qazaq elın körşıles memleketer aldynda ülken ūiatqa qaldyrdy. Būl äreketke tek jūrtşylyq qana emes, osy halyqaralyq ıs-şarany joǧarǧy deŋgeide ötkızıluıne jauapty bolǧan bilık ökılderı de kınälı... Qazaq elıne kelgen şetel delegasiiasy ökılderıne mūndai bassyzdyq körsetu būryn soŋdy bolmaǧan bolsa kerek. Būl jerde arandatu äreketterı de bolǧan boluy mümkın, sol üşın jauapty azamattardyŋ "şaŋyn qaǧyp" qoiǧan dūrys bolar.Feisbuktyŋ belsendı qoldanuşysy Janna Ruslan:
- Täjıkstan dihanşylarynyŋ Astanada ūiymdastyrǧan körmesı öttı. Ekı eldıŋ prezidentı körıp ketkennen keiın “hantalapai” bolypty.. Körme ūiymdastyrǧandar jaǧa ūstady. Halyq rūqsatsyz körmege äkelgen dihanşylardyŋ jemıs-jidegın aiaqtarymen taptap, ruhsatsyz talap alyp kettı. Körmege küzet qoiylmaǧanyn eskerttı.Qoǧam belsendısı Bauyrjan Ydrysov:
- Eŋ sūmdyǧy - osyny aqtap atqandar köp. Jäne olar kım deisız ǧoi, özım aqyl-parasatyn syilap, solardyŋ feisbuktaǧy oqyrmany bop jürgen keibır "sanaly", "közı aşyq" dep jürgenderım. Aitatyn uäjderı bıreu-aq: qazaqty otyz jylda osyndai jaǧdaiǧa jetkızgen bilık eken-mys. Dūrys aitasyz, bül aştyqtan emes, būl ruhani azǧyndyqtan. Äitpese solardy bala kezınen üiınde otyryp bilık tärbieledı me? Ata-äje, äke-şeşesı qaida boldy. Baiaǧyda ülkenderımız "bıreudıŋ bır sabaq jıbın alma" deitın, ol azdai bala kezımızde toi bop atqan üidıŋ janyna juyp ketsek, "neǧyp jürsıŋ bıreudıŋ bosaǧasyna telmırıp, aş jürmısıŋ? Jeseŋ üide de tamaq bar emes pe" dep, üige qaiyryp quatyn. Sol tärbie sanaǧa jattalyp, ornyqqan. Bärı körgensızdıkten şyǧady. Ata-anasy haiuandai ottaǧan mal bolsa, balasyna qandai tärbie beredı?Jurnalist Janarbek Nūr:
- Mektepten, otbasynan berıletın tärbie ǧoi. Ol adamdar emes, jüie kınälı. Olar qandai qoǧamda ösıp-jetıldı? "Tärbiesız berılgen bılım — adamzattyŋ qas jauy",- degen Farabi atamyzdykı dūrys-au.Aqtau qalasynyŋ tūrǧyny Nūrzila Särsenova:
- Jetken jetıstıgımız-33 jyldaǧy, mektep,oqu oryndary,mädeni oşaqtarymyzdyŋ(teledidar baǧdarlama. tb), äleumettık jelılerdıŋ bergen tärbiesınıŋ jemısı mıne osy.Bız siiaqty azyp-tozyp bara jatqan basqa halyq joq şyǧar. Adamşylyqtan aiyrlyp,ar-ūiattan jūrdai bolǧan ekenbız,jylaǧyŋ keledı...Qoǧam belsendısı Nūrjan Sūraşūly:
- Būl ūzaq jylǧy jaǧdaiy joqtyqtan dep oilaimyn, ipoteka, bala-şaǧanyŋ qamy, az jalaqy...Qoǧam belsendısı Alua Tüleuhanova:
- Qūrmettı astanalyqtar men Astana qonaqtary! Däl osy jerde qūrmettı degen sözım artyq pa dep oilap ta otyrmyn. SOS! SŪMDYQ! Keşe masqara ūiatqa qaldyq! Aşközdık! Teksızdık! Ömırlerıŋızde körme körmep pe edıŋızder? Körme degen köruge qoiatyn eksponattar! Al, tegın ülestırıletın zattar basqa bolady! Körme qabyrǧasynan ılulı tūrǧan ūlttyq tabaqtardy er adamnyŋ şeşıp jatqanyn körgende üide otyryp, ūiattan jerge kırık kete jazdadyq. Eŋ qorqynyştysy, qastaryndaǧy balalary erteŋ öskende körgenderın jasaidy! Alla saqtasyn, bolaşaǧy joq elmız be dep şoşyp otyrmyn! Bügın de jalǧasady osy körme, qūrmettı halyq bügın olai jasamaŋyzdarşy!Jurnalist Oŋǧar Qabden:
- Astanada Täjıkstannyŋ mädeniet künderı ötıp jatyr. Sonyŋ aiasynda täjık aǧaiyndar järmeŋke jasap, jemıs jidekten piramida, kılem örnektep, qazekeŋe auyz tiıŋder, alyŋdar degen ǧoi.
Eske sala keteiık, Astanada ūiymdastyrylǧan körme aiasynda tüsırılgen beinekadrlar qoǧamdyq tolqu tuǧyzyp, qazaqstandyqtar tarapynan qyzu talqylanyp jatyr.
"Adyrna" ūlttyq portaly
Ūqsas jaŋalyqtar
