Jylda IT mamandardyŋ basyn qosyp, jiyn ötkızetın Kolesa Group kompaniiasy memlekettık tılde mätın äzırlemegenı üşın dauǧa qalyp otyr, dep habarlaidy “Adyrna” tılşısı Dalanews.kz.
Äleumettık jelıde atalǧan kompaniiadaǧy otyrystyŋ tek resmi tılde ötkenı belgılı bolyp otyr.
Yerzjan J-n esımdı qoldanuşy Kolesa Conf-ty ūiymdastyruşylarǧa osyǧan qatysty eskertu jasaǧan. Azamat ekı aradaǧy dialogty jelıge jariialaǧan da bolyp şyqty.
Onyŋ aituynşa, konferensiianyŋ saity tügeldei orysşa, şaraǧa jauaptylar anonstıŋ özın tek resmi tılde äzırlegen.
Ol qazaq tılınde aqparat sūratqan. Ūiymdastyruşylar: “Kolesa Conf orys tılınde ötedı, eldegı IT-auditoriianyŋ 90 paiyzy orystıldı” dep jauap qatqan. Keiınnen “qolaisyz sūraqtar” qoiǧan qoldanuşyny bloktap tastaǧan. Kolesa Group mūny “kompaniiaǧa kiberşabuyl jasaldy” dep tüsındırgen.
“IT salada qazaqtıldı mamandardy bölıp-jaru aqylǧa siia ma? Olardy öz tılınde pıkır bıldıruge mümkındık beretın alaŋnan alastatyp otyr. Kolesa-nyŋ operatorlary menıŋ janaiqaiyma qūlaq aspai, keudemnen kerı iteruge tyrysty. Olar Muhoriapovtyŋ qatelıgınen sabaq almapty.
Būl mäselede ünsız qaluǧa bolmaidy. Öreskel, soraqy jaitty jelıge jariialadym. Ony el-jūrt estıdı. Toptaǧy qazaqtıldı “aitişnikter” oiana bastady. Kolesa menedjerlerı bızdıŋ tılge qatysty şaǧymymyzdy öşırıp, jappai būǧattauǧa köştı”, – deidı jelı qoldanuşysy Erjan.
Erjan bastaǧan qazaqtıldı bırneşe maman jappai narazylyq bıldırgennen keiın kompaniia basşylyǧy anonsty jarym-jartylai qazaqşalap, jaǧdaidy tüsındıruge tyrysqany belgılı boldy.
Ūqsas jaŋalyqtar
