Memleket basshysynyń ókimimen Ernar Jeńisuly Baspaev Qazaqstan Respýblıkasy Prezıdentiniń keńesshisi laýazymyna taǵaıyndaldy, dep habarlaıdy "Adyrna" ulttyq portaly "Aqordaǵa" silteme kórsete otyryp.
Ernar Baspaev 1979 jyly Gýrev (qazirgi Atyraý) qalasynda dúnıege kelgen. Almaty Qazaq memlekettik zań akademııasynyń túlegi.
Ár jyldary Ádilet mınıstrligi janyndaǵy Zııatkerlik menshik quqyǵy komıtetinde jumys istegen. Atyraý oblysy boıynsha Ádilet departamentiniń basshysy, Atyraý oblysy ákimi apparatynyń basshysy, Prezıdent ákimshiliginiń memlekettik ınspektory, Prezıdent ákimshiliginiń Ótinishterdi qaraýdy baqylaý bóliminiń meńgerýshisi syndy qyzmetter atqarǵan.
Eske sala keteıik, Baspaev 2022 jylǵy jarlyq boıynsha Prezıdenttiń kómekshisi qyzmetine taǵaıyndalǵan edi.
"Adyrna" ulttyq portaly
