Almatyda baspana 12 paiyzǧa deiın arzandaidy

Almatyda baspana 10-12 paiyzǧa deiın arzandauy mümkın. Būl turaly Almaty.tv tılşısıne Qazaqstan rieltorlar qauymdastyǧynyŋ müşesı Orynbasar Sataev aitty. Mäselen, biyl säuır aiynda Almatyda baspana 3 paiyzǧa arzandaǧan. Bıraq būl körsetkış aldaǧy uaqytta taǧy 10-12 paiyzǧa tüsuı mümkın eken. Tıptı, oŋtüstık astanadaǧy aua raiyna bailanysty mülıktıŋ qūny qūbylatyny taǧy bar deidı. "Byltyr qysta bärımız de osy boljamnyŋ oryndaluyn küttık. Nege deseŋız, byltyr köktemde tūrǧyn üige qatysty memlekettık baǧdarlamalar ıske qosyldy. "7-20-25", "Baspana hit" sekıldı baǧdarlamalar jüzege asa bastady. Almaty qalasyna 25 millionǧa deiın, Astana qalasyna 20 millionǧa deiın şekteulerı boldy. Qūrylys kompaniialary būl baǧdarlamalarǧa daiyndyqpen kırıstı. Būrynǧydai qūrylys materialdaryn şetelden şaryqtaǧan baǧada äkelmeidı, şekteulı baǧamen özımızde satyp alady. Sodan da bolar, üi qūny tūraqtaldy", - deidı Orynbasar Sataev. Onyŋ aituynşa, memlekettık baǧdarlamalar üi baǧasynyŋ şaryqtap ketpeuıne äserın tigızıp otyr. "Degenmen Astana men Almaty ırı qalalar, mūnda turister köp keledı, sondyqtan baǧany ūstap tūramyn dep aitu qiyn. Öitkenı sūranys joǧary. Onyŋ üstıne, valiuta baǧamynyŋ sekıruı, qūrylys materialdarynyŋ qymbattauy da baspana qūnyna tıkelei äser etedı. Al, aimaqtarda üi alu äldeqaida jeŋılırek bolady dep oilaimyn", - deidı maman. Sataevtyŋ aituynşa, qazır satyp aluşylarǧa tölemnıŋ san-aluan türı ūsynylǧan. Bıraq, olardyŋ köbı ipotekadan görı bölıp töleudı köbırek taŋdaidy. Öitkenı paiyzy joq, artyq tölem jasamaidy.