Şyǧys Qazaqstan oblysyndaǧy temır jol qyzmetkerlerı jappai jūmysqa şyǧudan bas tartty. Būl turaly KTKtelearnasy jariialady, dep habarlaidy “Adyrna” ūlttyq portaly.
Aqparat boiynşa, Şar beketı men Öskemen baǧyty boiynşa jüretın poiyzdardaǧy qauıpsızdıktı qamtamasyz etetın temırjolşylar bırneşe künnen berı jūmysqa şyqpaǧan. 200-ge juyq qyzmetker eŋbekaqylaryn 50 paiyzǧa köterudı talap etude. Sebebı ai saiyn alatyn 180-200 myŋ teŋge jyrtyǧymyzdy jamauǧa jetpei jatyr deidı. Şydamy tausylǧandar talap oryndalmaiynşa, jūmysqa şyǧudan bas tartyp otyr. Astanadan arnaiy kelgen basşylar da olardy raiynan qaitara alar emes.
Bız qazır senderge bere salamyz dep uäde bere almaimyz. Kezeŋ kezeŋımen jalaqyny köteremız. Jūmys jaǧdaiyn jaqsartamyz. Bız barlyq organdarǧa aityp jalaqyny kötere bastaimyz, – dedı Dosjan temir joly AQ basqarma töraǧasynyŋ orynbasary Abylai Badan.
