Sonymen... İndiiada G20 sammitı aiaqtaldy. Putin tūtqyndalam ba dep qorqyp barmai qaldy da, ornyna Lavrovty jıberdı.
Endı... ol jerde de bıraz qyzyqtar bar. Sammit ötetın qalada, jalpy İndiiada tügeldei derlık, maimyldar öte köp jäne olar qolyna tüskennıŋ bärın de ūrlap ketedı eken. Köşede kele jatqan adamnyŋ aqşasyn, qaltasynda ne bar - sonyŋ bärın qaǧyp ketetın körınedı. Sammit ötıp jatqan jerlerge kırıp ketıp stoldaǧy bloknot, qalamsap, t.s.s. ūrlau tük emes deidı. Sondyqtan qalada aldyn-ala rezeŋkeden ülken maimyldar äzırlep, ony ürıp är jerge qoiatyn körınedı. Älgı maimyldar tek sol özderınen bırneşe ese ülken maimyldardan ǧana qorqady eken, solardan ǧana qaşatyn körınedı. Söitse... älgı ülken maimyldar Lavrovtan ainymai qalypty.
Jaraidy, sonymen sammit aiaqtalyp deklarasiia qabyldanypty. Qytai eger deklarasiiada Ukraina turaly bır auyz söz bolsa qabyldamaimyz dep tulaǧan. Aitqandai İndiiaǧa Şyjyŋbi de barmai qaldy. Özı bırınşı bolmaǧan jerge barmai qalatyn Şyjyŋbidıŋ äuelden ädetı eken. Onyŋ üstıne İndiiamen de azdap baqtalastyǧy taǧy bar degendei jäne Baiden qatysady sammitke.
Sonymen ne kerek, deklarasiia da qabyldanǧan, Ukraina turaly da aitylǧan. Bıraq bärı de janama türde, tym jylmaǧai deklarasiia bolyp şyqqan. Resei turaly bır-ekı jerde, iadrolyq qarumen qorqytu dūrys emes degen siiaqty syn aitylǧan.
Endı negızgı taqyrybymyzǧa, mūndai jerde Baiden ne ısep jür degenge keleiık.
G20-ǧa kıretın memleketter - köbıne oŋtüstık beldeu memleketterı. Olarda köbıne Resei men Qytaidyŋ aitqandary jürıp-tūrady. Endı osy memleketterdı bırtındep öz jaǧyna tartu kerek. Būlardyŋ arasynda İndiia - öte maŋyzdy memleket, onyŋ Reseimen sauda-sattyǧy ülken. Aldymen sol İndiiany öz jaǧyna tartu kerek. Sosyn Braziliia... Baiden sol üşın jür.
Mysaly, jaqynda AQŞ-tan ülken delegasiia Bırıkke Arab Ämırlıkterıne kelıp Reseimen sanksiianyŋ oryndalysyn qarap, olarǧa kömektespeu jönınde ügıt-nasihattaryn aityp kettı. Nätijesı bar. Būl da sol siiaqty. Iаǧni AQŞ naqty, realdy saiasatpen ainalysyp jür.
Körıp otyrǧanymyzdai, AQŞ älemdık derjavamyn dep şalqaiyp otyrǧan joq. Onyŋ saiasaty kündelıktı, tūraqty, öz elınıŋ müddesı üşın qajet jerınde kışıreie de alady. Küş kerek jerde küşın de körsetedı (mysaly İranǧa).
Bızdıŋ Qazaqstanda da elşılerınıŋ qazaqşa sairauy - sol jūmsaq saiasatynyŋ jemısı. Al būl jaman ba? Ärine, jaqsy. Orystardyŋ elşılerınıŋ sonşama jyldarda bırde-bıreuınıŋ qazaqşa söilegenın estıp kördık pe? Astamşylyqtan basqa ne estıdık? Tıptı kädımgıdei äkıreŋdeidı ǧoi özderı, äkesınıŋ üiınde jürgendei.
Ūqsas jaŋalyqtar
