Amanhan Álimulymen kezdesý
"Adyrna" ulttyq-etnografııalyq birlestigi Almaty qalasy Qoǵamdyq damý basqarmasynyń qoldaýymen M.Maqataev atyndaǵy №140 mektep-gımnazııada aqyn, "Aqıqat" jýrnalynyń bas redaktory Amanhan Álimulymen "Memlekettik rámizder – meniń maqtanyshym" jobasynda kezdesý ótkizdi.
Bul kezdesý "Adyrna" etnografııalyq birlestigi uıymdastyryp otyrǵan, mektep arasyndaǵy kezdesýlerdiń ishindegi, eń shoqtyǵy bıik, ózgelerden dara kezdesý boldy. Al shoqtyǵy bıik, dara kezdesý bolýyna basty sebepker bolǵan, №140 mektep-gımnazııanyń ujymymen, mektep-gımnazııasy dırektory Sanııa Óskenbaıqyzy boldy.
Bul kezdesý is-sharasy Amanhan Álimulynyń ómirlik kezeńderin qamtyǵan vıdeo rolıktar kórsetilgen, syrly óleńderin oqýshylar oqyǵan, sheberlengen spektakl qoıylǵan, kezdesýdegi kórermendi tálim tárbıege baýlyǵan rýhanı kesh boldy.
Amanhan Álimuly mektep oqýshylaryna tánti bolyp, mektep dırektory men ujymyna alǵysyn aıtyp, oqýshylarmen ómirden túıgenimen bólisip, ár oqýshyny jaqsy bolýǵa, jaqsylyq jasaýǵa shaqyryp, bul ómirdi baılar men shen-shekpendiler ustamaıdy, bul ómirdi jaqsylyq jasaıtyndar ustaıdy, jaman bolý ońaı, jaman bolý úshin bir adamǵa balaǵat sóz aıtyp, nemese tıisip qalsań jetedi, al adamǵa jaqsylyq jasaý ońaı is emes, bul jaqsylyqtyń joly aýyr jol ekendigin eskertip, aýyrda bolsa abyroıly iske arqalaryńdy tosýǵa daıyn bolýlaryn aıtyp, mektep oqýshylaryna arnaǵan, ulaǵatty oıy men jalyndy sózben kezdesýdi aıaqtady.
Bekzat Bolatuly fb paraqshasynan
