Almatylyqtar «Uly dala – kóshpendiler álemi» etnofestıvalinde kóshpendilerdiń jaýyngerlik oıyndaryn, at sportyn jáne aıtys ónerin kórdi. Festıval 2-3 qyrkúıekte «Boraldaı saq qorǵandary» arheologııalyq saıabaǵynda ótti.
Is-shara qala kúnine oraılastyrylǵan jáne «Almaty – Shanhaı Yntymaqtastyq Uıymynyń mádenı jáne týrıstik astanasy» jobasynyń bir bóligi bolyp tabylady.
Festıval qonaqtary Uly Dala kóshpendileriniń ejelgi mádenıeti men dástúrlerin tamashalady. Ol úshin saıabaq aýmaǵynda 50 kıiz úıden turatyn túrli-tústi etnoaýyl bar, qazaqtyń dástúrli «altybaqan» átkenshegi ornatylyp, tas dıirmeni jumys istedi.
Baǵdarlamada kóshpendilerdiń jekpe-jek oıyndary, at sporty óneri, sadaqshylar arasyndaǵy jarys, dástúrdi dáripteýshilerdiń kórme qoıylymdary jáne t.b. bar. Uıymdastyrýshylar sonymen qatar, qonaqtarǵa ulttyq taǵamdar men qolóner buıymdaryn daıyndaý boıynsha baıqaýlar, sheberlik dáristerin usyndy.
Ulttyq taǵamdar alańy ulttyq taǵamdardyń alýan túrliligin usynady: balqýyrdaq, ásip, búrmeqaryn, úlpershek, balqaımaq baýyrsaq, qurt, et, qymyz, shubat jáne t.b.
Festıvalde Ázerbaıjan, Túrkııa, Majarstan (Vengrııa), Malaızııa, Bashqurtstan, Daǵystan, Chývashııa, Altaı, Býrıatııa, Ózbekstan jáne Qyrǵyzstannyń úzdik etnomýzykanttary men sportshylary óner kórsetti.
Sonymen birge, qonaqtar jigitter men qyzdardyń án boıynsha jekpe-jegin, armrestlıng, arqan tartý jáne basqa da ulttyq oıyndaryn kórdi. Kishkentaı qonaqtar úshin attrakıondar, qýyrshaq teatry jáne sheberlik dáristeri bar oıyn alańy oryn tepken.
