"Dombyra – haram". Amanjol Áltaı jat pikir ıelerine shuǵyl shara qoldanýdy talap etti

1364
Adyrna.kz Telegram

Depýtat Amanjol Áltaı jat aǵymdardyń jeteginde ketken keıbir Qazaqstan azamattary jurtty adastyratyn teris pikirler taratyp, ulttyq qundylyqtarymyz jaıly qate oı bildirip jatqanyn atap ótti, dep jazady "Adyrna" ulttyq portaly. 

Ol Májilis otyrysynda atalǵan pikir ıelerine qatysty shara qoldanýdy talap etti.
"Ásirese, dinı jat aǵymdardyń jeteginde ketken keıbir Qazaqstan azamattary jurtty adastyratyn teris pikirler taratýda. Buǵan áleýmettik jelide jeldeı esip júrgen "Dombyra – haram" degen sekildi adam shoshytar alyp-qashpa sózder dálel. Dombyra – tatýlyq pen birliktiń mámilegeri. Ata tarıhymyzdaǵy nebir alasapyran zamandarda ultty uıystyrýǵa, eldi biriktirýge, erlerdi el qorǵaýǵa shaqyrýǵa zor ról atqarǵan", dedi Áltaı májilistiń búgingi otyrysynda.
Depýtat ata-babalarymyz bileginen ál ketip, ózegi talyp, aqtyq demi shyqqansha qolynan dombyrasyn tastamaǵanyn qosa ketti:
"Endeshe, dombyraǵa tıisý – ultqa til tıgizý, tóltýma mádenıetimizdi qorlaý, ótken tarıhymyz ben búginimizge kóleńke túsirý dep qabyldaımyz. Konstıtýııamyzdyń 14-babynda naqty kórsetilgendeı, qazaq halqynyń ulttyq qundylyǵy men ereksheligine til tıgizýge eshkimniń de quqy joq", - dep atap ótti depýtat.
Osy oraıda Áltaı birqatar sharany atqarý qajettigin talap etti. Olar:
Bilim beretin orta mektepterde án-kúı sabaǵynda dombyra aspabyn úıretý oqý baǵdarlamasyna engizý;
Buqaralyq aqparat quraldarynda, radıo jáne telearnalarda dombyra aspabynyń qundylyǵyn ashatyn án-kúı, jyr-terme, aıtys ónerlerin kóbirek nasıhattaý;
Din isteri jónindegi basqarma teris aǵym jeteginde ketken adamdarmen jumys júrgizýdi kúsheıtýge tıis, dedi ol.
Pikirler