Qazaqstan prezidenttıgıne kandidat Qasym-Jomart Toqaevtyŋ respublikalyq qoǧamdyq ştaby qūryldy. Olardyŋ arasynda elımızge belgılı tūlǧalar da bar dep jazady KAZ.NUR.KZ.
Qoǧamdyq ştabqa sportşylardan Jaqsylyq Üşkempırov, Aleksandr Vinokurov, Qanat İslam, Dinara Saduaqasova kırdı.
Sondai-aq, ştabta Arujan Sain, Maiia Bekbaeva, Roza Rymbaeva, Altynai Jorabaeva, Maira Mūhamedqyzy, Meirambek Bespaev, Samal Esliamova, Saken Baiǧazy, Qydyrälı Bolmanov ta bar.
Būdan bölek, alǧaş ret ştabtyŋ jastar qanaty qūryldy. Oǧan Qairat Nūrtas, Qūralai Anarbekova, Anna Aliabeva, Äigerım Esenälı, Serık Esmatov jäne taǧy basqa tanymal jastar kırgen.
Bıraq, portaldyŋ instagram paraqşasyna jariialanǧan osy aqparattyŋ astyna Meirambek Besbaevtyŋ özı pıkır qaldyrǧan. Onda änşı eşkımge eşqandai kelısım bermegenın, syrtynan kım şeşkenın sūraǧan.
"Men eşkımnıŋ ştabyna kelısım bergen emespın. Syrtymnan şeşe beretın bolǧan ba? Men öz taŋdauymdy sailau kezınde jasauǧa qūqylymyn!!! Nūr.Kz aldymen bılıp alyp jazsaŋdarşy!" deptı Meirambek. Rasynda da qazaqtyŋ Meirambegı atanǧan Meirambek Besbaevtyŋ özın syrtynan sailauǧa aralasuǧa qosyp jatsa, basqalaryna ne joryq?