Ūlttyq qordyŋ aqşasyn "oŋdy-coldy" şaşuǧa şekteuler engızıletın boldy. Būl jaidy ministr Quantyrov mälımdedı. Naqtyraq aitsaq, Jaŋa biudjet kodeksınıŋ jobasynda Ūlttyq qordan berıletın nysanaly transfertterdı tek maŋyzdy infraqūrylymǧa ǧana paidalanuǧa şekteu engızıldı, dep habarlaidy "Adyrna" ūlttyq portaly.
Jaŋa Biudjet kodeksınıŋ jobasy turaly Ūlttyq ekonomika ministrı Älıbek Quantyrov aitty. Ol memlekettık qarjyny basqaru bölımınde Ūlttyq qor jäne biudjetten tys qorlar turaly taraular bar ekenın eskerttı.
"Ūlttyq qordan berıletın nysanaly transfertterdı tek asa maŋyzdy infraqūrylymǧa ǧana paidalanuǧa şekteu engızıldı jäne oǧan tiıstı kriteriiler engızıldı. Tek maŋyzdy nysandarǧa, mysaly, jūmys oryndaryn jäne qosymşa salyqtardy qamtamasyz etetın zauyt qūrylysyn salu nemese tūrmysty qamtamasyz etetın infraqūrylymdar. Bükıl el boiynşa ūiymdastyrylatyn "Jaily mektepter" jobasy siiaqty, bır mezgılde bırneşe öŋırde bırdei nysandar salynǧanda (...) Ūlttyq qordan qarajat alu kölemı maqsatty talaptardyŋ kölemımen şektelgen" - dedı Älıbek Quantyrov.Atauly kodeks jobasynda "Balalarǧa arnalǧan ūlttyq qor" turaly erejeler de bar. Atap aitqanda, 2030 jylǧa deiıngı memlekettık qarjyny basqaru tūjyrymdamasyna säikes, 18 jasqa tolǧanǧa deiıngı balalarǧa qarajat beru mäselesı qarastyrylady.
Qazırgı uaqytta atalmyş kodeks jobasy mäjılıske jıberıldı.
Esterıŋızge sala keteiık, 11 qyrküiek künı mäjılıs deputaty Berık Beisenǧaliev Ūlttyq qorǧa qatysty uäj aitqan edı. Deputat üş jyldyq biudjettı tanystyru barysynda Ūlttyq qordyŋ azaiyp, tabysy kemıgendıgın eske salǧan.
"Adyrna" ūlttyq portaly
Ūqsas jaŋalyqtar
