Qazaqstannan Qytaiǧa 2,6 myŋ litrden astam dizel otynyn zaŋsyz alyp ötpek bolǧan äreketke tosqauyl qoiyldy, dep habarlaidy "Adyrna" tılşısı.
Būl turaly Şyǧys Qazaqstan oblysy boiynşa memlekettık kırıster departamentı habarlady.
Qazaqstannan dizel otynyn zaŋsyz alyp ötpek bolǧandar ūstaldy
Oqiǧa ötken aptada «Maiqapşaǧai» keden beketınde tırkelgen. Qazaqstannan Qytaiǧa bet alǧan bos jük kölıkterın kedendık tekseru barysynda Qytai azamattary basqarǧan tört jük kölıgınen zauyttyq qūrylymda qarastyrylmaǧan, janar-jaǧarmaidy jasyryn tasymaldauǧa arnalǧan qosymşa otyn baktary anyqtalǧan.
Tekseru nätijesınde zaŋsyz şyǧarylmaq bolǧan dizel otynynyŋ jalpy kölemı şamamen 2 640 litrdı (2 tonnadan astam) qūrady.
Vedomstvonyŋ mälımetınşe, būl otyn gumanitarlyq kömekke, ǧylymi maqsattaǧy sertifikattalǧan synamalarǧa nemese kölıktıŋ standartty janarmai bagyndaǧy kölemge jatpaidy. Sondyqtan būl äreket Qazaqstanda qoldanystaǧy janar-jaǧarmai önımderın şyǧaruǧa qoiylǧan tyiymdy būzu retınde baǧalanyp otyr.
Qytaidyŋ tört azamaty Äkımşılık qūqyq būzuşylyq turaly kodekstıŋ 590-babynyŋ 7-bölıgı boiynşa äkımşılık jauapkerşılıkke tartyldy. Ärqaisysyna 32 437,5 teŋge kölemınde aiyppūl salyndy.
Qūqyq būzuşylyqqa qatysty jinalǧan barlyq materialdar, onyŋ ışınde tekseru hattamalary, tüsınıktemeler men fotomaterialdar, prosessualdyq şeşım qabyldau üşın Şyǧys Qazaqstan oblysy boiynşa ekonomikalyq tergep-tekseru departamentıne joldandy.
