Qala künı qarsaŋynda Almatyda ArtbatFest zamanaui öner festivalı ötude

Almatyda erekşe art- obektıler bar. ArtbatFest festivalı aiasynda olar taǧy da aşyq aspan astyndaǧy öner galereiasyna ainaldy. Artbat Fest zamanaui öner festivalınıŋ ekskursiiasy kezınde ärkım türlı müsındermen, ART tuyndylarymen, muraldarmen tanysady, sonymen qatar suretşıler men olardyŋ şyǧarmaşylyq tūjyrymdamalary turaly tolyq aqparat ala alady. «Būl bızdıŋ qalamyzdaǧy 11-şı festival, onyŋ negızın osydan 14 jyl būryn äkem ekeumız qalaǧan edık. Festival äleumettık komponentke ülken män beredı: adamdarǧa, bükıl qalaǧa aşyq agenttıksız öner. Festivaldıŋ basty erekşelıgı-onyŋ aşyqtyǧy, ol tegın ötedı. Būl körmeler de, türlı därıster, pıkırtalastar bar erekşe bılım beru blogy», -dedı ARTBAT FEST art-direktory Vladislav Sludskii. Biylǧy jyly AR jüiesı alǧaş ret engızıldı-keibır qondyrǧylardy telefondaǧy QR kodyn skanerleu arqyly tek tehnologiia arqyly köruge bolady. Osyndai jūmystardyŋ bırı Lermontov atyndaǧy teatrǧa qarama-qarsy ornatylǧan. Säken Narynovtyŋ «Ömır aǧaşy» jūmysy erekşe, zamanaui tehnologiialardyŋ oǧan äserı aitarlyqtai. Festival aiasynda küzdıŋ soŋyna deiın  Baiseiıtova köşesı men Abai daŋǧylynyŋ qiylysynda  17 jūmys qoiylǧan. Är öner obektısınıŋ janynda jūmystyŋ sipattamasy, avtordyŋ ideiasyn tüsındıretın  paraqşalar bar. Sondai-aq, qala tūrǧynynyŋ saualnamasy bar internet-resursqa aparatyn arnaiy QR-kodtar bar, onda ärbır adam mūndai önerdıŋ qanşalyqty qyzyqty  jäne mūndai jobalardyŋ qalanyŋ mädeni kody üşın qanşalyqty maŋyzdy ekenı jönınde öz pıkırın  bıldıre  alady.