Oralda Abai atyndaǧy alaŋǧa bos plakat ūstap şyqqan tūrǧyn polisiia qyzmetkerlerımen ūstaldy. Ol osyndai äreketı arqyly Qazaqstanda azamattyq qūqyq joq degen pıkırın bıldırgısı kelgen.
Būl turaly «Uralskaia nedelia» basylymy habarlaidy.
24 jastaǧy Aslan Saǧutdinov 6 mamyrda qolyna bos plakat ūstap, qalalyq äkımdıktıŋ aldyndaǧy Abai atyndaǧy alaŋǧa şyqqan. Onyŋ sözınşe, ol bos plakatty ūstap, Qazaqstanda söz bostandyǧy men demokratiia joq degen pıkırın bıldırmek bolypty.
«Men şeruge qatyspaityn qarapaiym azamat ekenımdı körsetkım keledı. Alaida men bärı bır polisiia bölımşesıne alyp ketedı. Tıptı, plakatty eşqandai jazu bolmasa da, men türlı ūrandardy aityp, aiqailamasam da. Menıŋ esımım – Aslan Saǧutdinov. Men arǧy tarihynan berı erkın qazaq elı bügın de erkın bolyp qalǧanyn qalaimyn», - deidı jas jıgıt.
Aslan Saǧutdinovtyŋ alaŋda bos plakatpen tūrǧan uaqyty 5 minuttyŋ şamasynda ǧana boldy. Sol jerge polisiia qyzmetkerlerı men qala äkımdıgınıŋ ışkı saiasat bölımınıŋ basqaruşysy Erbol Köşekov jettı.
Arada bırneşe minut ötkennen keiın polisiia qyzmetkerlerı Aslandy küştep polisiia kölıgıne otyrǧyzdy. Olar jıgıttıŋ ne üşın ūstalǧany turaly sūraqqa «anyqtaimyz» dep jauap berdı.
Artynşa poliseiler Aslandy bosatty. Aslannyŋ sözınşe, tärtıp saqşylary jarty saǧat şamasynda plakatqa bırdeŋe jazuyn sūraǧan.
«Poliseiler äkımşılık hattama toltyru üşın, plakatqa bırdeŋe jazuymdy sūrady. Men bas tarttym. Olar menen tüsınıkteme alyp, üige jıberdı», - deidı belsendı.
