Aqtöbe oblysynyŋ Veterinariia basqarmasy memlekettık mekemesı biyl qaŋǧybas itter men iesız mysyqtar üşın oblystyq biudjetten 224,8 million teŋge bölgen, - dep habarlaidy Adyrna tılşısı atalǧan mekemenıŋ resmi hatyna sılteme jasap.
Būǧan deiın Adyrna ūlttyq portalynda "Qarǧaly audany qaŋǧybas it pen mysyqtardy "pıştıruge" 6 165 550.00 teŋge qarjy jūmsaidy" degen maqala jariialaǧan bolatyn.
Sol maqalaǧa qatysty Aqtöbe oblystyq Veterinariia basqarmasyna hat joldanyp, Qarǧaly audanynyŋ qaŋǧybas it pen mysyǧyna 6 millionnan asa qarjy jūmsalǧanyn mysal ete otyryp, qalǧan audandardaǧy ahualdy sūraǧanbyz.
Veterinariia basqarmasynan kelgen jauapta:
"Sızdıŋ 2023 jylǧy 18 qyrküiektegı № ZT2023-01818819
ötınışıŋızge bailanysty kelesını habarlaidy.
2023 jylǧa oblys boiynşa
qaŋǧybas januarlardy aulau, uaqytşa ūstau, bırdeilendıru, sterildeu jūmystaryna 224,8 mln
teŋge qarjy bölındı.
(Onyŋ ışınde aulau jūmysyna 52,9 mln, kütıp baǧuǧa 135,4 mln,
bırdeilendıruge 11,9 mln, sterilizasiialau jūmystaryna 24,7 mln teŋge.)" delıngen.
Bır oblystyŋ qaŋǧybas itı men iesız mysyǧyna halyqtyŋ qaltasynan 224,8 million teŋge aqşa jūmsalady.
Būl köp pe, az ba, özıŋız baǧamdai berıŋız!
Qanat Bırlıkūly
Adyrna ūlttyq portaly
