Aqtöbe köşelerınde balyqty qarmaqpen emes, qolmen ūstauǧa bolady. Būl turaly jurnalist Kozachkov telegram arnasynda jazyp, video jariialady, dep habarlaidy “Adyrna” ūlttyq portaly.
Aqparatqa süiensek, äuejai aimaǧynan qalaǧa su jıberılgen. Sazdy özenı arnasynan asyp, köpırler men joldardy su basqan. Al kölıkter suda tūryp qalǧan.
Jariialanǧan videoda tūrǧynnyŋ köşedegı sudan balyq ūstap alǧanyn baiqauǧa bolady.
Eske salsaq, Aqtöbe oblysyndaǧy erıgen su joldar men köpırlerdı basyp, üilerge de kıre bastaǧan bolatyn. Oblystaǧy 12 audannyŋ Qarǧalydan özgelerı su tasqynynan tügel zardap şekken. Üi-jaiyn tasqyn su basqan Qobda audanyndaǧy Qanai, Şalqar audanyndaǧy Büirektöbe, Mūǧaljar audanyndaǧy Jaǧabūlaq auylynyŋ tūrǧyndary qauıpsız jerge
Aqtöbe äkımdıgı oblys ortalyǧyndaǧy üş mekteptıŋ ǧimaratyna su kırgenın habarlady. Äzırşe tasqynnan bülıngen tūrǧyn üiler men ǧimarattar sany turaly tolyqqandy mälımet joq.
27 nauryz Aqtöbe äuejaiy syrtqy jäne ışkı reisterdı qabyldaudy toqtatqan bolatyn. Sebebı äuejaidyŋ ūşyp-qonu jolaǧyn tasqyn su basqan.
Äuejai äkımşılıgı bastapqyda ūşu jolaǧy keşkı beske deiın tazartylady dep habarlaǧan bolatyn. Keiın äuejaidyŋ saǧat 21.00-ge deiın jabylǧanyny belgılı boldy.
Bügın, 28 nauryz Aqtöbe äuejaiy jūmysyn qaita bastady.
Sondai-aq, Aqtöbe oblysynda su tasqynynan zardap şekkenderdıŋ materialdyq şyǧynyn esepteitın komissiia qūrylatynyn oblys äkımı Ashat Şaharov mälımdegen bolatyn.
