Qazaqstannyń Jambyl oblysymen shektesetin Qyrǵyzstannyń Kırov sý qoımasy 81%-ǵa toldy, dep habarlaıdy "Adyrna" tilshisi QazAqparatqa siltep.
Qazir barlyq sý qoımalarynyń jumysy men toltyrylýyna táýlik boıy monıtorıng júrgizilýde.
Oblystyq tótenshe jaǵdaılar departamenti basshysynyń orynbasary Rýslan Orynbekov óńirde 141 gıdrotehnıkalyq qurylys nysany baryn, onyń ishinde 18-i respýblıkalyq menshikte, 115-i kommýnaldyq menshikte jáne segizi jeke menshikte ekenin aıtty.
«Shekaradaǵy Kırov sý qoımasynan sýdyń aǵýy kún saıyn baqylanady. Qyrǵyz Respýblıkasynyń málimeti boıynsha, bul iri sý qoımasynan sý mamyr aıynda shyǵarylady dep kútilýde. Barlyq sý qoımalarynyń jalpy toltyrylýy búginde 77 paıyzdy quraıdy. Kırov sý qoımasy 81%, iri Tasótkel sý qoımasy 94%, Jartas 90%, Búrkitti 47%, Aqkól 25% tolǵan. Teriskeıde Aybulaq qoımasy – 97%, Yntaly sý qoımasy – 97%, Qaraqońyr sý qoımasy – 99% jáne Qaqpatas – 99% toldy dep ataýǵa bolady. Sý qoımalaryn paıdalaný kestesi jasalyp, sý tasqynyna qarsy turý boıynsha táýlik boıy kezekshilik uıymdastyryldy", - dep málim etti ol.
