Subaru markaly avto kóligin basqarǵan jasóspirim Almaty oblysynda 6 balany qaǵyp ketti, dep habarlaıdy "Adyrna" tilshisi.
Almaty oblysynda 21 qyrkúıek kúni 15 jastaǵy jasóspirim kólik tizginine ıe bola almaı, trotýarda alty balany qaǵyp ketkeni týraly Almaty oblysy Polıııa Departamentiniń baspasóz qyzmeti habarlady.
"21 qyrkúıekte Raıymbek aýdanynyń BBB-ǵa 15 jasar kámeletke tolmaǵan bala Narynqol kentinde Subaru markaly kólik quralyn basqara otyryp, rýldi basqara almaı, trotýarǵa shyǵyp, jaıaý júrginshilerdi qaǵyp ketkeni týraly habarlama kelip tústi. Osy jol-kólik oqıǵasy saldarynan 2008 jyly týǵan alty kámeletke tolmaǵan bala zardap shekti, olardyń beseýi ártúrli dene jaraqattarymen aýrýhanaǵa jatqyzyldy", - delingen habarlamada.
QR QK 345-babynyń 2-bóligi (kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha qylmystyq is qozǵaldy.
"Qazirgi ýaqytta saraptamalyq tekserýler taǵaıyndaýmen tergeý áreketteri júrgizilýde. Aıta keteıik, kámeletke tolmaǵan bala óziniń aǵasy bolyp tabylatyn kólik ıesine eskertpesten kólik kiltin alyp ketken. Dúkenge bara jatqan jolda osy oqıǵa oryn alǵan",-delingen.
