Ulttyq qaýipsizdik komıteti terrorızmdi nasıhattaý jáne dinı alaýyzdyqty qozdyrý faktisi boıynsha Qostanaı qalasynyń turǵynyna qatysty qylmystyq isti tergep-tekserýdi aıaqtady, dep habarlaıdy «Adyrna» tilshisi.
«Qostanaı oblysynyń B.Maılın atyndaǵy aýdandyq soty atalǵan qylmystardy jasaǵany úshin er adamdy kináli dep tanyp, 7 jylǵa bas bostandyǵynan aıyrdy»,—dep jazdy basqarmanyń baspasóz qyzmeti.
Sottalǵan er adam dinı-ekstremıstik sıpattaǵy beıne rolıkterdi, teraktilerdiń jáne kepilge alynǵan adamdardy ólimge kesý kórinisin, sondaı-aq halyqaralyq terrorıstik uıymdardyń sımvolıkasyn ınternettiń áleýmettik jelilerinde jarııalaǵan.
Sotqa deıingi tergep-tekserý barysynda onyń kinási tolyqtaı dáleldendi. 2023 jylǵy 20 qyrkúıekte úkim zańdy kúshine endi.