Májilis otyrysynda depýtat Qaraqat Ábden eldegi genderlik teńdik máselesin kóterdi, dep habarlaıdy “Adyrna” ulttyq portaly.
Ol áıelder úshin bılikte teń quqyqtar bolýyn talap etti.
«Genderlik saıasatty iske asyrý – elimizdegi ózekti baǵyttardyń biri. Halqymyzdyń 51%-y áıelder qaýymy ekenin eskersek, eldegi saıası ómirge de barlyq azamattyń teń dárejede qatysýyn qamtamasyz etý mańyzdy. Árıne, qazir memlekettik basqarý isinde, saıasatta, bızneste de áıelder úlesi birshama artqanyn moıyndaýymyz kerek. Jańartylǵan mınıstrler kabınetiniń ózinde 4 áıel bar. Bul – ótken jyldarmen salystyrǵanda jaqsy kórsetkish. Memleket basshysy genderlik teńdikti qamtamasyz etý boıynsha jumysty jetildirýge basa nazar aýdarady. Biraq áli kúnge deıin memlekettik kompanııalardyń basqarýshy sanatyndaǵy áıelderdiń úlesi nebári 6-7%», - dedi Qaraqat Ábden depattyq saýal joldaı otyryp.
Onyń aıtýynsha, «Qazaqstan Temir Joly», «KEGOC», «Qazaqtelekom» syndy iri kompanııalardyń dırektorlar keńesinde birde-bir áıel joq.
«Kadrlar shoǵyrlanǵan Astananada 5 aýdan boıynsha bir de bir áıel ákim nemese onyń orynbarasy bolyp taǵaıyndalmaǵan. «Halyqtyń 50%-dan astam úlesine teń bolyp otyrǵan áıelder nege laýazymdy qyzmette 50%-ǵa jetpeı otyr?» degen zańdy suraq týyndaıdy. Kóp oılanýdyń qajeti joq. Genderlik teńdikti qamtamasyz etý jolynda biz 30%-ǵa jetkizip, 50%-ǵa umtylýymyz kerek», - deıdi ol.
Depýtat bilimdi áıelderdiń úni minbeden estilýi keregin aıta ketti.
"Qazaqstandyq áıelderdiń el úshin mańyzdy sheshimderdi qabyldaýǵa bilimi de, biliktiligi de jetedi. Iıa, áıeldiń eń uly mıssııasy – ana, jar bolý, sanaly urpaq tárbıeleý. Biraq "Meńireý áıelden meńireý urpaq týady!" degen ǵulama Máshhúr Júsiptiń sózin umytpaıyq. Sondyqtan tas kereń bolashaqqa tas atpaıyq desek, Domalaq ananyń kózindeı bolǵan saýatty, sanaly áıeldiń búgingi úni minbeden estilýi tıis!", – dep qorytyndylady Qaraqat Ábden.
Sonymen qatar, ol Premer-Mınıstr Álıhan Smaılovqa mynadaı usynys bildirdi.
- Ákimderdiń qyzmetin baǵalaıtyn reıtıngke óńirdegi top-menedjmenttegi áıelderdiń úlesin anyqtaıtyn kórsetkish qosylsyn;
- Úkimet tarapynan áıelderdiń saıası kóshbasshylyǵyn damytý boıynsha naqty baǵdarlamalardy daıarlaý qarastyrylsyn.
