Būǧan deiın türlı BAQ betterınde Talǧar audany Keŋdala auylyndaǧy köppäterlı tūrǧyn üiler qysta jylusyz qaluy mümkın degen aqparat tarady.
Osy mäselege bailanysty bügın audan äkımı Tanat Aidarbekovtıŋ qatysuymen baspasöz mäslihaty öttı. Tılşıler qatysqan jiynda äkım Keŋdala auylynda bloktyq-moduldık qazandyqtar (BMQ) salu üşın jobalyq-smetalyq qūjaty daiyndalyp jatqanyn aitty.
Audan äkımınıŋ aituynşa, äzırlenetın jobalardyŋ jalpy sany - 19. Onyŋ ışınde A.İ. Smykov köşesındegı № 24, 49, 49a, 53, 59 köppäterlı üilerge gaz beru üşın BMQ salu da bar. Qajettı qūjat biyl jeltoqsanda jasalyp bıtedı. Jobalardyŋ barlyǧy biudjet esebınen jüzege asyrylmaq. Qūrylys-montaj jūmystary 2024 jyldyŋ nauryz aiynda bastalady dep josparlanyp otyr.
"Talǧar audany ortalyqtandyrylǧan jyludan 1998 jyly ajyratylǧan. Sol sebeptı kei köppäterlı üiler kömırmen, elektr quaty peşımen jylytylyp kele jatyr. 2018 jyly Talǧarǧa gaz jüiesı kele bastady. Sol uaqyttan berı BMQ-lar salu jūmystary jürgızılıp jatyr. Bıraq, arada belgılı sebeptermen üzılıster bolǧan", - dedı äkım.Sondai-aq äkım tūrǧyndar şaǧymdanǧan soŋ äkımdık mamandary Keŋdala auylyna barǧanyn da atap öttı. Kezdesude tüsındırme jūmystary jürgızılıp, mamandar üilerdı aralap şyqqan. Nätijesınde kei päterlerde peş joq ekenı anyqtalǧan.
"Tūrǧyndardyŋ keibırı biyl gazǧa qosylamyz dep peşterın alǧyzyp tastaǧan. Bız olarǧa demeuşıler esebınen kömek körsetemız", - dedı Tanat Aidarbekov.Aita keteiık, Talǧar qalasynda 33, Besaǧaş auylynda 2 bloktyq-moduldık qazandyq bar.
