Stend atýdan Qazaqstan áıelder quramasy Azııa oıyndarynyń-2022 qola medalin jeńip aldy, dep habarlaıdy "Adyrna" tilshisi.
Qytaıdyń Hanchjoý qalasynda ótip jatqan 2022 jylǵy Azııa oıyndarynda stend atýdan Qazaqstan áıelder quramasy qola júldeni jeńip aldy.
"Trap" boıynsha komandalyq jarysta elimizdiń sportshylary úshinshi orynǵa jaıǵasty. Marııa Dmıtrıenko, Aıjan Dosmaǵambetova jáne Anastasııa Prılepına 328 upaı jınap, qola júldege ıe boldy.
Máre syzyǵyna birinshi bolyp qytaılyq mergender jetti. Olardyń enshisinde 351 upaı.
Al ekinshi orynǵa Úndistan 337 upaımen ıe boldy.
Aıta keteıik, Qazaqstan quramasynyń qorjynynda ázirge 27 medal bar. Bizdiń sportshylar úsh altyn, tórt kúmis jáne 20 qola medal jeńip aldy.
Medal jıyntyǵy boıynsha elimiz 11-shi orynda tur.
