Biyl men 11-synypty bıtırem. Demek, qarbalas sät künnen künge köbeimese azaimaityny anyq. Kündelıktı qosymşa sabaqtar bızdı şarşatady. Alaida, sol qarbalas künderdıŋ özı bızge jaqsy äser syilai alady. Onyŋ bır mysaly retınde bızdıŋ mektepte ūiymdastyrylǧan köşpelı muzei jaily aita alamyn. Bızdı muzei tamaşalap, qyzyqtau üşın mektep zalyna jinady. Beitanys adamdar, türlı chemodandar mektep zalyn toltyryp tastapty. Bır kezde körme ūjymynyŋ ökılı özın jäne öz ärıptesterın tanystyra bastady. 40 chemodan tolǧan qazaqtyŋ ūlttyq qūndylyqtary - Keŋes däuırınen qalǧan türlı jädıgerler körmenıŋ sänın kırgızıp tūr. Būl ǧajaiyptyŋ ielerı kımder ekenı bärımızdı qyzyqtyryp barady. Barlyǧynyŋ sūraǧyna bır jauap. Būl-Qyzylorda qalasyndaǧy №235 mekteptıŋ ūjymy. Olar bızdıŋ mektebımızge öz qyzyqtaryn bırge ala kelgen eken. Būl jobanyŋ ūiymdastyruşysy - Sarieva Aqtoty Oinarqyzy, jobanyŋ trenerı- Almatşaeva Küläş jäne körnektı suretşı - Asqar Jūmataev. Osy kısılerdıŋ qanattary talmai jasaǧan eŋbegınıŋ arqasynda joba ūjymy köptegen jeŋısterdı qanjyǧalaryna bailap, köpşılıktı quantqan edı. «Ruhani jaŋǧyru» baǧdarlamasy aiasynda qūrylǧan būl jobanyŋ basty maqsaty - ūlttyq kodymyzdy saqtap, ötken tarihymyǧa tereŋ üŋılıp, ony därıpteu. Joba ūiymdastyruşylarynyŋ sözıne qūlaq türer bolsaq, olar «Arai sanraiz» lagerınde, qarttar üiınde, balalardy oŋaltu ortalyǧynda, Qyzylorda qalasyndaǧy Talsuat, Belköl kentterınde jäne t.b jerlerde bolyp, jūrtşylyqty öz şyǧarmaşylyqtarymen tanystyrǧan. Jalpy josparlanǧan ekskursiia sany - 14. Tau men tasty aralap, talaptylarǧa när bergen būl ūjymnyŋ kelesı ekskursiiasy №145 orta mektepke baǧyttalypty. Ata-babamyzdan qalǧan asyl būiymdar, közdıŋ jauyn alatyn suretter, keremet estelıkterge toly jaǧlandar köpşılıktı taŋǧaldyrmai qoimady.Bırneşe chemodan soǧys jabdyqtarymen toltyrylǧan. Sonyŋ ışınde soǧys kezınde aibyndy, ruhty sarbazdar qoldanǧan suqūiǧyş, arnaiy tamaq salatyn ydys-aiaqtar bar. Sonymen qosa, äsem oiularmen örnektelgen kiız üi jabdyqtary,ata-babamyzdan qalǧan eskı qamşy türlerı, aiauly analarymyzdyŋ erte zamanda tūtynǧan as üi būiymdary da qūpiiaǧa toly chemodannyŋ bır bölıgın alyp jatty. Būl körme ūzaq jyldar boiy saqtalyp, tot basyp qalǧan ydys-aiaqtardyŋ, şaŋ basyp qalǧan, betterı tügel emes köne kıtaptardyŋ älı künge deiın öz qūndylyǧyn joǧaltpaǧanyn aiqyn däleldedı. Körme ūjymynyŋ qūramynda Asqar Jūmataev syndy segız qyrly, bır syrly suretşı kısı de bar. Talanty men talaby öz tuyndylaryndaǧy örnekpen astasqan qylqalam şeberınıŋ qoltaŋbasy kez-kelgen jannyŋ qiial älemınıŋ auqymyn keŋeitıp, ömırlık tüsınıgın tereŋdete tüsetını dausyz. Mektep oquşylary būl körme arqyly köptegen mälımettermen tanysyp, körme qyzyqtaryna taŋdanystaryn bıldırdı. Taǧy bır aita ketetını, «Meiırım-Ümıt» jobasynyŋ jeke kündelık däpterı bar eken. Ol kündelık «Pıkırler kıtaby» dep atalady. Būl kündelıktıŋ erekşelıgı - ärbır körermen öz äserın osy kündelıkke tüsıre aluynda. Körermen bolǧan oquşylar osy kündelıkke kezektı pıkırlerın qaldyrdy. Eŋ aldymen, kündelık bızdıŋ mektebımızdıŋ bılımdı de, bılgır kıtaphanaşysy Dairabaeva Meiramkül apaidyŋ qolyna tüstı. Mira apaiymyz Sarieva Aqtoty apai ūiymdastyrǧan bır ıs-şarada bolyp, Almatşaeva Küläş apaimen tanysypty. Ol būl körme arqyly soǧys ardagerı bolǧan öz äkesın eske tüsırıp, közıne jas alǧandyǧyn jetkızdı. Osy kündelık arqyly bız alǧan äserımızdı özgelermen bölıse alǧandyǧymyz üşın quandyq. .
Qazırgı taŋda «Meiırım-Ümıt» degen ataumen bastau alǧan joba Qyzylorda qalasyndaǧy K.Karakozova atyndaǧy №235 orta mekteptıŋ aiasynda jüzege asyryluda. Atalmyş mektepte «toǧyz qūmalaq», « asyq atu» sekıldı qazaqtyŋ ūlttyq oiyndary jaqsy damyp, oquşylar tärbiesıne zor män berılgen. Jobanyŋ eŋ üzdık jetıstıgı - Qazaqstan Respublikasynyŋ Ūlttyq kıtaphanasynda ötkızgen körmesı. Syr elınen 40 chemodandy köterıp barǧan ūjymnyŋ sol küngı obrazy da erekşe bolǧan. Almatşaeva Küläş apai qazaqtyŋ ūlttyq kiımımen öz jobasyn qorǧap, köptıŋ közaiymyna ainaldy. «Sol künı ıs-şaraǧa kelgen jurnalister: kimeşek kigen 40 chemodandy äje qaida?-dep ızdegen edı»-dep Küläş apai qyzyqty sättermen bölıstı. Qazaqtan Respublikasynyŋ Ūlttyq kıtaphanasyna qadam basyp, öner körsetu-oŋai emes. Degenmen, ūjym özınıŋ qajyrly eŋbegınıŋ nätijesınde osyndai därejege jettı. Jobanyŋ bas demeuşısı- Qazaqstan Respublikasynyŋ Tūŋǧyş prezidentı «Elbasy» qory. Sonymen qosa, körme Respublikalyq äleumettık jobalar järmeŋkesınde grant iegerı atanǧan.
Men özımnıŋ alǧan äserım jaily aitqym keledı. Alyp kelgen körmenıŋ keremettıgınde söz joq. Bärınıŋ taŋdanysyna ie bolǧan chemodandar da maǧan qatty ūnady. Sonymen qatar, men körme ūjymymen oŋaşada tıldese alǧanym üşın riza boldym. Sebebı, olar sondai aşyq-jarqyn, aqköŋıl kısıler eken. Almatşaeva Küläş apaimen sūhbattasqanda olardyŋ basty maqsaty sanaly ūrpaq tärieleu ekendıgın atap aitty. Joba avtory Sarieva Aqtoty Oinarqyzyna keler bolsaq, ol öte keŋpeiıl ärı belsendı kısı eken. Maqsat-müddelerı aiqyn, jastardyŋ qamyn oilaǧan jandarmen kezdesıp, tanysyp, tabysqanyma qatty quandym.
El jädıgerın saqtaǧan azamattardyŋ ärbır ısı - öskeleŋ ūrpaqqa ülgı-önege.
Şalqarova Aidana Erbolqyzy Qyzylorda qalasyndaǧy №145 orta mekteptıŋ 11-synyp oquşysy
