Almatyda Mūzafar Älımbaevtyŋ kıtaby jaryq kördı. Jaŋa tuyndyda balalarǧa arnalǧan şyǧarmalary men öleŋderı toptastyrylǧan.
Qazaq poeziiasynyŋ körnektı ökılınıŋ tuǧanyna biyl - 100 jyl. Mereilı mereitoiy jer-jerde türlı deŋgeide atalyp ötıp jatyr. Bügıngı ıs-şara sonyŋ jalǧasy. Qaladaǧy Krylov kıtaphanasynda ötken jiynǧa jazuşynyŋ balalary men nemerelerı, qazaq ädebietınıŋ körnektı tūlǧalary keldı.
– Mūzafar Älımbaevtıŋ 100 jyldyǧy el-elde, jer-jerde atalyp ötıp jatyr. Būl jarasymdy. Öitkenı ol atausyz, ızdeusız qalatyn aqyn-jazuşy emes. Qazaq ädebietı barda, qazaq ūlty barda Mūzafar Älımbaevtyŋ esımı öşpeidı, – dedı Qazaqstan Jazuşylar odaǧy basqarmasy töraǧasynyŋ orynbasary Beibıt Sarybai.Aqyn, ertegı men balalarǧa arnalǧan äŋgımelerdıŋ avtory, qazaq folkloryn jinauşy Mūzafar Älımbaev öz Otanynda ǧana tanymal emes. Onyŋ poeziiasy 18 tılge audarylǧan. Ol – qazaq ädebietınde soǧys sūrapylyn bastan keşken qalamgerlerdıŋ bırı. Bügıngı jiynda oquşylar jazuşynyŋ şyǧarmalaryn oqyp, köz körgender estelıgın aitty.
– Är däpterdıŋ şetınde nömır türtıp qoiatyn. Bır künı sūrasam, seruendegende jürgen qadamyn jazyp jüredı eken. Ol Ūly Otan soǧysynda jaraly bolǧan. Qazır jastarǧa öte yŋǧaily, qadamdy sanaityn saǧat, telefon bar. Al atam sol kezde özı sanap, jazǧan, – dedı M. Älımbaevtyŋ nemeresı Baqtiiar Älımbaev.Aqparat: Almaty.tv
