İran prezidentı İbragim Raisi Palestina-İzrail qaqtyǧys aimaǧyndaǧy jaǧdaiǧa qatysty mälımdeme jasap, Hamasty qoldaitynyn bıldırdı. Būl turaly jergılıktı Mehr News basylymy jariialady, dep habarlaidy “Adyrna” ūlttyq portaly.
Raisi älemdı Palestina halqyna jasalyp jatqan qysym men ädıletsızdıkke nazar audaruǧa şaqyrdy.
Ol palestinalyqtardyŋ äreketın qorǧanys dep atady.
İran Palestina elınıŋ zaŋdy qorǧanysyn qoldaidy. Sionistık rejim men onyŋ qoldauşylary aimaq elderınıŋ qauıpsızdıgıne qater töndıruıne jauapty jäne olar būl üşın jauap beruı kerek, delıngen mälımdemede.
Eske salaiyq, senbı künı taŋerteŋ İzrail Gaza sektorynan zymyran atqylaǧan. Palestinalyq HAMAS sodyrlar toby būl şabuyldy öz moinyna alyp, «Äl-Aqsa dauyly» operasiiasynyŋ bastalǧanyn jariialady.
Öz kezegınde İzrail qorǧanys küşterı Gaza sektoryndaǧy HAMAS nysandaryna soqqy berıp jatqanyn mälımdedı. «Temır qylyştar» laŋkestıkke qarsy operasiiasy bastaldy.
Keiın İzrail premer-ministrı Netaniahu būl eldıŋ şabuylǧa batyl jauap beretının qaitalap, gazalyqtardy tez arada qalany tastap ketuge şaqyrdy. Onyŋ aituynşa, armiia «barlyq jerde tolyq küşpen äreket etetın bolady».
Keşe İzrail ükımetı eldıŋ soǧys jaǧdaiyna ötkenın resmi türde habarlady.
Bügın Palestina-İzrail qaqtyǧys aimaǧyndaǧy jaǧdaiǧa bailanysty BŪŪ Qauıpsızdık keŋesınıŋ jabyq otyrysy ötkenı belgılı boldy, bıraq Qauıpsızdık keŋesı müşelerı eşqandai mälımdeme qabyldai almaǧan.
Bolyp jatqan jaitqa bailanysty Qazaqstannyŋ Syrtqy ıster ministrlıgınıŋ resmi ökılı ministrlık İzraildegı qazaqstandyqtardyŋ otanyna oraluy üşın tızımın jasap jatqanyn aitty.
