9 qazanda ataqty qazaq balýany Dáýlet Turlyhanovtyń ulyna sot úkimi shyqty. Bul týraly Atameken Business saıty jarııalady, dep habarlaıdy “Adyrna” ulttyq portaly.
«Nurasyl Bolatqa 1,7 mıllıon teńge aıyppul salyndy», - delingen habarlamada.
Eske salaıyq, osy jyldyń kókteminde erli-zaıypty advokat Oleg Chernov pen Anna Dımıtrıevıchti uryp-soǵýǵa qatysty atyshýly qylmystyq is boıynsha tergeý aıaqtaldy. Oqıǵa 2023 jyldyń aqpan aıynyń 10-nan 11-ine qaraǵan túni Almatyda bolǵan. Shabýyl jasaǵan adam qatardaǵy áskerı qyzmetshi, Qazaqstan Respýblıkasynyń eńbek sińirgen jattyqtyrýshysy, Májilis depýtaty Dáýlet Turlyhanovtyń uly 20 jastaǵy Nurasyl Bolat bolyp shyqty.
