Qazaqstandyq belgılı baluan ärı jattyqtyruşy, Mäjılıs deputaty Däulet Tūrlyhanov Bırıkken küres älemı (UWW) biurosyndaǧy ornynan aiyryldy. Būl şeşım juyrda İordaniiada ötken UWW ASIA prezidentı sailauynan keiın qabyldandy, dep habarlaidy "Adyrna" ūlttyq portaly.
2024 jylǧy 24 nauryzda ötken Aziia chempionaty aiasynda 38 ūlttyq federasiianyŋ qatysuymen ötken dauys beru nätijesınde UWW Aziia küres odaǧynyŋ jaŋa prezidentı bolyp iordaniialyq Mūhammed Äl-Auamala sailandy. Ol 34 dauys jinap, 2028 jylǧa deiıngı merzımge taǧaiyndaldy.
Tūrlyhanov būl qyzmettı 2017 jyldan berı ekı merzım qatarynan atqarǧan bolatyn.
Däulet Tūrlyhanov – keŋestık jäne qazaqstandyq grek-rim küresınıŋ tanymal baluany, KSRO-nyŋ eŋbek sıŋırgen sport şeberı, Qazaqstannyŋ eŋbek sıŋırgen jattyqtyruşysy, qazırgı uaqytta – QR Parlamentı Mäjılısınıŋ deputaty.
Tūrlyhanovtyŋ ūly Nūrasyl Bolat 2023 jyly Almatydaǧy tüngı klub maŋynda erlı-zaiypty Anna men Oleg Chernovtarǧa küş körsetkenı üşın sottalǧan. Alǧaşynda aiyppūlmen şektelgen sot ükımı keiın qaita qaralyp, ekı jylǧa bas bostandyǧyn şekteu jazasyna auystyryldy. Alaida, Nūrasyl sot talabyn oryndamaǧany üşın 2024 jyldyŋ qazan aiynda 1 jyl 5 aiǧa koloniiaǧa jıberıldı.
Ūqsas jaŋalyqtar
