«Aýyldyq jerlerdegi tirek mektepteriniń áleýetin damytý» joba aıasynda Taldyqorǵandaǵy NIS-te aýyl mektepteriniń ákimshilik múshelerine arnalǵan aımaqtyq oqytý semınary ótti.
Bul semınarǵa Aqsý, Sarqand, Kerbulaq, Eskeldi aýdandarynyń mektep dırektorlary qatysty.
Spıkerler sabaqty josparlaý, uıymdastyrý, NZM-de oqytýdyń erekshelikteri, baǵalaý júıesi, qosymsha bilim berý taqyryptarynda tyń tájirıbelerimen bólisti, sonymen qatar ákimshilik múshelerine «Basqarý men menedjment» atty kásibı kezdesý uıymdastyryldy.
Sheberlik-synyptar men dóńgelek ústel basynda pedagogıkalyq máseleler boıynsha keńester berildi.
NZMniń jumys barysynyń erekshelikteri, utymdy jaqtaryn kóre aldym. Maqsatqa saı nátıjeli jumys kórinis tapty. Orynbasarlardyń jumys júıesi, toqsan sońyndaǵy taldaý jumysy, BJB, TJB jumysy, úlgermeýshi oqýshymen jeke jospar, bilim sapasyna nátıjeli jumys júrgizilgeni sonymen qatar oqýshylardyń uıymdastyrǵan ekskýrsııasy unady, — deıdi Eskeldi aýdany, K.Shestakov atyndaǵy orta mektep dırektordyń tárbıe isi jónindegi orynbasary Ilııas Bakıshev.
«Nazarbaev Zııatkerlik mektepteri» DBBU bilim berý baǵdarlamalary ortalyǵy ótken jyly el aýmaǵynda 17 tirek mektebiniń ustazaryna dál osyndaı semınar ótkizse, bıyl olardyń qataryna 63 bilim oshaǵyn qospaqshy. Ortalyq mamandary aldaǵy ýaqytta ustazdardy onlaın formatta da kómek bermekshi.
«Aýyldyq jerlerdegi tirek mektepteriniń áleýetin damytý» jobasynyń mıssııasy – aýyl-aımaqtardyń turaqty damýyna járdemdesý, qalalyq jáne aýyldyq mektepter arasyndaǵy alshaqtyqty azaıtý, NIS tájirıbesin elimizdiń orta bilim júıesine taratý.
