Almatyda äleumettık nysandarǧa kezeŋ-kezeŋmen jylu beru bastaldy, dep habarlaidy «Adyrna» ūlttyq portaly Tengrinews.kz saityna sılteme jasap.
Onyŋ ışınde, mektepter, balabaqşalar, auruhanalar men emhanalarǧa jylu berıle bastady.
Jaŋa jylytu mausymynyŋ bastaluy meteorologiialyq boljamdar men Almatydaǧy aua raiynyŋ kündelıktı monitoringı negızınde aiqyndalady.
Almaty qalasynda jylytu mausymyna daiyndau jäne ötkızu erejesıne säikes, jylytu kezeŋı temperaturalyq rejimdı eskerıle otyryp bastalady.
Būl rette, tūtynuşylarǧa jylu beru mynadai kezekpen jürgızıledı:
- balalar, emdeu, mektep mekemesı, käsıptık mektepter, medisinalyq-äleumettık mekemeler:
- tūrǧyn üiler, jataqhanalar, qonaq üiler;
- äkımşılık ǧimarattar, oqu oryndary, teatrlar;
- basqa da ǧimarattar.
«AlJJ» JŞS jyludy tūrǧyn üi basqaru organdaryna deiın jetkızedı, ärı qarai är üidıŋ daiyndyǧyna solar jauapty. Tūtynuşylardy jylumen jabdyqtaudyŋ ışkı jüiesıne qyzmet körsetetın oryndaityn apattyq (servistık) qyzmetter - PİK, MİBapattyq jaǧdai bolmasa, jylu berudı öz betınşe oryndauy kerek nemese osy qyzmettı oryndaityn mekemenı jaldauǧa tiıs.
Jylytu mausymy bastalǧan kezde kütpegen jaǧdai tuyndaǧan kezde tūrǧyndar «Almaty jylu jelılerı»JŞS-ne telefon arqyly habarlasa alady.
«Medisina, bılım beru ūiymdarymen özge de äleumettık nysandarǧa 10 qazannan bastap kezeŋ-kezeŋımen jylu berıledı», - dedı «AlJJ» JŞS ökılderı.
Bırınşı kezekte äleumettık nysandardy jylu jüiesıne qosu josparlanǧan. Mūndai şeşım osy ūiymdardyŋ jūmys erekşelıgın eskerıp qabyldandy.
«Adyrna» ūlttyq portaly
Ūqsas jaŋalyqtar
