Izraıl men Palestına arasyndaǵy qaqtyǵystyń órshýi kezinde qurban bolǵandar sany eki myńnan asty, - dep habarlaıdy "Adyrna" tilshisi The Times of Israel basylymyna silteme jasap.
Áskerılerdiń málimetinshe, palestınalyq Hamas lańkestik tobynyń Izraılge jasaǵan shabýyly saldarynan qaza tapqandar sany 1200 adamnan asty, 3000-ǵa jýyq adam jaralanǵan, urlanǵan jáne Gaza sektoryna jetkizilgen 150-ge jýyq adamnyń taǵdyry áli belgisiz.
«Palestınalyq Hamas lańkestik tobynyń Izraılge jasaǵan soqqysynan qaza tapqandar sany artyp keledi, sársenbi kúni tańerteńgi jaǵdaı boıynsha 1200-den asty», - delingen habarlamada.
Eldiń Densaýlyq saqtaý mınıstrligi buǵan deıin terakti kezinde 2901 adamnyń jaralanǵanyn, 500-den astamy áli de aýrýhanada jatqanyn, onyń ishinde 26 adamnyń jaǵdaıy aýyr jáne taǵy 340 adamnyń jaǵdaıy aýyr ekenin habarlady.
Esterińizge sala keteıik, 7 qazan kúni tańerteń Izraıl Gaza sektorynan jappaı zymyrandyq shabýylǵa ushyrady. Eldiń qorǵanys kúshteriniń málimetinshe, Izraılge eki myńnan astam zymyran atylǵan. Sonymen qatar, palestınalyq HAMAS qozǵalysynyń ondaǵan jaýyngeri eldiń shekaralas aımaqtaryna kirdi.
