Oralda úsh jasar qyz bala baqshada aýyr kúıik alyp, jansaqtaý bólimine tústi, dep habarlaıdy "Adyrna" portaly «Moı gorod»-qa siltep.
«Oqıǵa 10 qazan kúni Soltústik-Shyǵys shaǵyn aýdanynda ornalasqan «Balbóbek» balabaqshasynda boldy. Balanyń anasynyń aıtýynsha, túski ýaqytta oǵan mektepke deıingi mekemeden telefon soǵyp, tez arada kelýin suraǵan. Oqıǵa ornyna jetken áıel qyzynyń kúıip qalǵanyn kórdi», - delingen sársenbi kúni habarda.
Balanyń betin, qolyn jáne eki aıaǵyn kúıik shalǵan.
«Jedel járdem kelip, qajetti alǵashqy medıınalyq kómek kórsetti. Qazir bala jansaqtaý bóliminde jatyr, jaǵdaıy aýyr. Bizge qaınaǵan kóje bergeni úshin balabaqshanyń búkil basshylyǵy men aspazdar jazalansa eken deımin. Qaınap turǵan kójeni bir bala ıterip jibergen. Kútýshi qaıda qaraǵan? Tárbıeshiler qaıda boldy? Aspazdar qaıda qarap turdy? – dep jazdy áıel áleýmettik jelide.
Balabaqsha ádiskeri balanyń ortańǵy topqa barǵanyna bir aı ǵana bolǵanyn habarlady.
Batys Qazaqstan oblysy densaýlyq saqtaý basqarmasynyń baspasóz qyzmeti habarlaǵandaı, jedel járdem stanııasyna qońyraý saǵat 12.33-te túsken. Muǵalimder balanyń sorpany abaısyzda ústine tógip alǵanyn habarlady.
«Úsh jasar qyzdyń basy, keýdesi, oń, sol jáne oń jambasynan joǵarǵy jáne tómengi jaqtary termııalyq kúıik alǵan. Ol qazir oblystyq kópsalaly balalar aýrýhanasynyń jansaqtaý bóliminde jatyr. Dárigerler onyń jaǵdaıyn aýyr dep baǵalap otyr. Teriniń 20-25 paıyzyn kúıik shalǵan», - delingen habarlamada.
QR Qylmystyq kodeksiniń 141-baby (Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý) boıynsha qylmystyq is qozǵaldy.
«Al, Oral qalalyq bilim bólimi óreskel zań buzýshylyqqa jol bergen muǵalim men kútýshi jumystan bosatylatynyn habarlady. Al basshynyń mindetin atqarýshy «qatań sógis» alady», - dep tolyqtyrdy basylym.
