Almaty oblysynda "KT&G"zauytynyŋ qūrylys jūmystary bastaldy. Irgetas qalaudyŋ resmi räsımıne Almaty oblysynyŋ äkımı Marat Sūltanǧaziev qatysty. Öz sözınde ol: -Būl joba, özara tiımdı yntymaqtastyqty nyǧaitu men damu jolyndaǧy maŋyzdy oqiǧa bolady dedı. Aimaq basşysynyŋ aituynşa, oblysta elımızdegı barlyq temekı önımderınıŋ 100% - y öndırıledı, ol öŋırdıŋ öŋdeu önerkäsıbınıŋ jalpy kölemı boiynşa 15% - nan astamyn qamtidy, būl bükıl memlekettıŋ ekonomikalyq damuyna oŋ äser etedı.
"Aǧymdaǧy jyldyŋ bırınşı jartyjyldyǧynyŋ qorytyndysy boiynşa temekı industriiasy memlekettık biudjetke şamamen 145 mlrd.teŋge töledı, būl salyq tüsımderınıŋ jalpy kölemınıŋ şamamen 34% -. qūrady", - dedı Marat Sūltanǧaziev.Sondai-aq, söz söileu barysynda öŋır basşysy atalǧan öndırıstı ıske qosu 90 mlrd.teŋgeden astam şeteldık investisiialardyŋ kıruın qamtamasyz etetının, jäne 100-ge juyq joǧary aqy tölenetın jūmys oryndaryn qūruǧa mümkındık beretının aitty. "Käsıporynnyŋ öndırıstık quaty jylyna 8 mlrd.stiktı (440 mln. paket) qūraidy, onyŋ 60% - y eksportqa şyǧarylatyn bolady. Osylaişa, KT & g kompaniiasy bızdıŋ oblys aumaǧynda öz öndırısın lokalizasiialaǧan temekı industriiasynyŋ üşınşı transūlttyq kompaniiasy bolady", - dedı öŋır basşysy. Söz soŋynda äkım, oblys vizalyq süiemeldeu, jäne jobany ıske asyru üşın barlyq qajettı tehnikalyq şarttardy alu bölıgınde, jan-jaqty qoldau körsetetının aitty. Būdan basqa, BAAJ jäne Köközek qosalqy stansiialaryn paidalanuǧa beru oblystyŋ investisiialyq tartymdylyǧynyŋ ösuıne yqpal etedı.
"KT&G" korporasiiasynyŋ bas direktory Pek Bok İn "global Top-tier KT&G"dep atalatyn özınıŋ orta jäne ūzaq merzımdı damu strategiiasyn ūsyna otyryp, kompaniianyŋ bolaşaqqa senımdı türde bet būratynyn atap öttı. Ol 140 jyl boiy, bai tarihy bar jetekşı käsıporyn jäne joǧary deŋgeilı jahandyq kompaniia boluǧa ūmtylyp keledı. - "Jahandyq deŋgeide bolaşaq Damu strategiiasy aiasynda, " Global Top-tier KT&G " Almaty oblysynda negızgı öndırıstık baza retınde jaŋa zauyt qūru turaly şeşım qabyldandy. Qazaqstandaǧy jaŋa zauytta dästürlı jäne zamanaui temekı önımderın öndıruge arnalǧan joǧary tehnologiialyq jabdyqtar ornalastyrylatynyna, jäne ol TMD elderınıŋ naryǧyn qamtityn öŋırlık öndırıstık habqa ainalatynyna senımdımın. Bız sondai - aq Almaty oblysynyŋ tūrǧyndarymen öndırıs prosesınde qalyptasyp jatqan ekonomikalyq jäne äleumettık qūndylyqtarmen bölısuge niettımız", - dedı "KT&G" korporasiiasynyŋ Bas direktory Pek Bok İn.
