Daniiar Eleusınovtıŋ promouterı Gennadii Golovkinmen bırge jūmys ısteitın Tom Lefflerdı «mendjmentı käsıpqoi emes» dep aiyptady, dep habarlaidy Stan.kz aqparat agenttıgı Sport.kz saityna sılteme jasap.
Daniiar Eleusınovtıŋ käsıpqoi ringtegı ısterımen ainalysatyn amerikalyq menedjerlık kompaniianyŋ basşysy Ziia Aliev arada bolyp jatqan dauǧa qatysty pıkır bıldırdı.
«Bırınşıden, Tom bızdıŋ Gennadiimen habarlasyp otyrǧanymyzdy jaqsy bıledı. Gennadii de jaǧdaidan habardar. Bıraq men özım söilesken joqpyn. Äzırge olarmen söilesken adamnyŋ atyn atamai-aq qoiaiyn. Bıraq onyŋ Golovkinge habarlasqanyn anyq bılemın. Lefflerdıŋ oǧan ne dep jauap bergenın aita alamyn. Bıraq olai ıstegım kelıp tūrǧan joq. Qajet dep sanasaŋyzdar, Tom Lefflerden kelgen elektrondyq hattardy da körsete alamyn. Ol öz hatynda Daniiardyŋ ornyna basqa boksşyny ūsynǧysy keletının jazdy», - dedı Ziia Aliev.
Ärı qarai ol bar aiyp Daniiar Eleusınovtıŋ komandasynda emes, Tom Lefflerdıŋ dūrys jūmys ıstei almaityndyǧynda ekenın aitty.
«Ärkım özınıŋ boksşysyn qorǧaidy. Al Gennadii onyŋ boksşysy. Al bızdı käsıbi maman emes dep aiyptaǧandary külkılı. Qolymda Matchroom jelısı arqyly kelgen hat bar. Sızder sony körıŋızder. Redaksiiaǧa ūsyndym, bıraq jariialanǧanyn qalamaimyn», - dedı ol.
Būdan özge kompaniia basşysy Golovkin men Eleusınovtıŋ müldem ekı bölek joly bar boksşylar ekenıne toqtaldy.
«Tom Golovkinnıŋ öz keşınde Daniiar Eleusınovtı körgısı kelmeitının aitty. SMS habarlamalardy körseteiın. Ärine, eger Tom būǧan daiyn bolsa. Men olardy körsetetın bolsam, kımnıŋ şyn söilep otyrǧany belgılı bolady», - dedı Ziia Aliev.
Esterıŋızge sala ketsek, Gennadii Golovkin osy uaqytqa deiın osy keleŋsız jaǧdaiǧa qatysty pıkır bıldırıp, ärdaiym Aziiadan şyqqan boksşylardy qoldauǧa daiyn ekenın aitqan bolatyn.
