Dariǧa Nazarbaevanyŋ eks-qūdasy Qairat Boranbaev Aqmola oblysyndaǧy qauıpsızdıgı ortaşa koloniiaǧa auystyryldy. Būl turaly Qylmystyq-atqaru jüiesı komitetı aitty, dep habarlaidy «Adyrna» tılşısı.
«Atalǧan azamat jazasyn öteu üşın 11 qazanda ES-166/1 mekemesınen 12 qazanda Aqmola oblysy boiynşa Qylmystyq-atqaru jüiesı departamentınıŋ №7 qauıpsızdıgı ortaşa mekemesıne (Granitnyi auylyndaǧy) auystyryldy»,—delıngen habarlamada.
Eske salaiyq, 2023 jyldyŋ 15 qyrküiegınde Astananyŋ qylmystyq ıster jönındegı sot alqasy Qairat Boranbaevty 6 jylǧa bas bostandyǧynan aiyrdy. Ol “Qylmystyq qūqyq būzuşylyqqa sybailas qatysuşylardyŋ türleri" (28-bap, 5-bölık,), "Senip tapsyrylǧan böten mülikti iemdenu" (189-bap 4-bölık 2-punkt) jäne "Qylmystyq jolmen alynǧan aqşany zaŋdastyru" (218-bap 3-bölık) baptary boiynşa kınälı dep tanyldy.
