Almaty qalasynda Túrki Akademııasy men M.O. Áýezov atyndaǵy Ádebıet jáne óner ınstıtýtynyń birlesip uıymdastyrýymen kórnekti aqyn, pedagog, Alash qozǵalysynyń qaıratkeri Maǵjan Jumabaevtyń 130 jyldyq mereıtoıyna oraı «Maǵjan Jumabaev murasy: túrki dúnıesiniń rýhanı tutastyǵy men tarıhı sabaqtastyǵy» atty halyqaralyq ǵylymı-tájirıbelik konferenııa ótti, dep habarlaıdy «Adyrna» ulttyq portaly Egemen.kz-ke silteme jasap.
Is-sharaǵa ádebıettaný, tiltaný, ónertaný, pedagogıka salasy boıynsha Qazaqstannyń jáne sheteldiń ǵalymdary, halyqaralyq uıym ókilderi, qoǵam qaıratkerleri jáne ınstıtýttyń ǵylymı qyzmetkerleri qatysty. Jıyndy M.O. Áýezov atyndaǵy Ádebıet jáne óner ınstıtýtynyń Bas dırektory, QR UǴA korrespondent múshesi, fılologııa ǵylymdarynyń doktory Kenjehan Matyjanov júrgizdi.
Konferenııada Túrki Akademııasynyń vıe-prezıdenti Ashat Kesikbaev sóz sóılep, Akademııa basshysy Shahın Mustafaevtyń quttyqtaýyn jetkizdi.
Sonymen qatar jıynda Qazaqstan Ǵylym jáne joǵary bilim mınıstri Saıasat Nurbektiń, Almaty qalasy ákimi Erbolat Dosaevtyń jáne Qazaqstan Jazýshylar odaǵynyń tóraǵasy Mereke Qulkenovtyń quttyqtaý hattary oqyldy.
Konferenııa barysynda, Maǵjannyń aqyndyq álemi, Maǵjan Jumabaev jáne HH-HHI ǵasyrdaǵy ádebı-mádenı baılanystar, maǵjantaný jáne túrkologııa salasy, kórkem ádebıettegi Maǵjannyń aqyndyq dástúri, Maǵjan Jumabaevtyń aǵartýshylyq qyzmeti, Maǵjan Jumabaevtyń qaıratkerlik tulǵasy jáne Alash qozǵalysy, maǵjantanýdyń qazirgi zamanǵy ózekti máseleleri jáne arhıv, mýzeı jáne sırek qoljazba derekterindegi Maǵjan murasy syndy zertteý baǵyttary boıynsha órbidi.
Basqosýda Myrza Ulyqbek atyndaǵy Ózbekstan Ulttyq ýnıversıtetiniń professory, fılologııa ǵylymdarynyń doktory Nasımhon Rahmanov, QR UǴA akademıgi, tarıh ǵylymdarynyń doktory Mámbet Qoıgeldi, Ál-Farabı atyndaǵy Qazaq ulttyq ýnıversıtetiniń professory Dandaı Ysqaquly, Eýrazııa ǵylymı-zertteý ınstıtýtynyń dırektory Sýat Beılýr, Túrki Akademııasynyń ǵylymı qyzmetkeri, folklortanýshy Aqedil Toıshanuly, Qazaqstan Jazýshylar odaǵy tóraǵasynyń orynbasary Baýyrjan Jaqyp, Qyrǵyz Respýblıkasynyń Ulttyq Ǵylym Akademııasy Ch.Aıtmatov atyndaǵy Til jáne ádebıet ınstıtýtynyń Qyrǵyz ádebıeti bóliminiń jetekshisi, fılologııa ǵylymdarynyń doktory Keldibek Qoılýbaev, M. Áýezov atyndaǵy Ádebıet jáne óner ınstıtýty «Qoljazba jáne tekstologııa» ǵylymı-ınnovaııalyq ortalyǵynyń dırektory Jumashaı Raqysh zertteý taqyryptary boıynsha baıandama jasady.
Sonymen qatar jıynda M. Jumabevtyń shyǵarmalarynyń úsh tomdyq akademııalyq tolyq jınaǵynyń tusaýkeseri ótti. Túrki Akademııasynyń qoldaýymen baspaǵa ázirlengen jınaqtyń birinshi tomyna aqynnyń óleńderi toptastyrylsa, ekinshi tomǵa poemalary men áńgimesi, aýdarmalary engizilgen. M.Jumabaev ázirlegen oqý quraldary men maqalalary úshinshi tomǵa toptastyrylǵan. Barlyq shyǵarmalaryna ǵylymı túsiniktemeler berilgen.
Konferenııa aıasynda Ǵylym Ordasy RMK Ortalyq ǵylymı kitaphanasy Maǵjan Jumabaevtyń shyǵarmashylyǵyna arnalǵan kitap kórmesin uıymdastyrdy.
Ǵylymı otyrystan keıin qonaqtar M. Áýezov murajaı-úıinde kınorejısser, dokýmentalıst Halıl Omarov túsirgen «Maǵjan Jumabaev» derekti fılmin tamashalady.
«Adyrna» ulttyq portaly
