16 qazannan bastap tūrmystyq zorlyq-zombylyq pen bulling qūrbandary bolǧan qazaqstandyqtar 111 bıryŋǧai memlekettık bailanys ortalyǧyna habarlasa alady. Būl turaly ükımettıŋ baspasöz qyzmetı mälımdedı, dep habarlaidy “Adyrna” ūlttyq portaly.
Bailans ortalyǧy täulık boiy jūmys ısteidı. Qalalyq nömırler men ūialy bailanys operatorlary üşın qoŋyrau şalu tegın. Azamattarǧa qajettı kömek mätındık dialog arqyly da körsetıletın bolady.
Tūrmystyq zorlyq-zombylyq, balalar men jasöspırımder arasyndaǧy bulling mäselelerı boiynşa ötken keŋeste premer-ministrdıŋ orynbasary Tamara Düisenova bailanys ortalyǧyna ülken jauapkerşılık jüktelgenın atap öttı.
Atalǧan şaralar azamattar, äsırese äielder men balalar üşın qauıpsız jaǧdai jasauǧa mümkındık beredı. Bailanys ortalyǧy memlekettıŋ uaqytyly kömek körsetuınıŋ tiımdı qūralyna ainalady, sondai-aq öŋırler boiynşa asa ötkır problemalarǧa monitoring jasau üşın derekter közı bolmaq, — dedı Tamara Düisenova.
Sondai-aq, qiyn jaǧdaiǧa tap bolǧan qazaqstandyqtarǧa kömek körsetu üşın bılıktı psihologtar men zaŋgerler tartylatyny da aityldy. Ärbır jaǧdai boiynşa operatorlar "däl osy sätte" qaǧidatyn basşylyqqa ala otyryp, jekelegen mäsele boiynşa keşendı kömek körsetetın bolady. Barlyq qajettı memlekettık organ men qyzmettı mındettı kerı bailanys täsılın qoldana otyryp, bır mezgılde qosu közdelgen.
Bıryŋǧai senım telefony memlekettık şūǧyl qyzmetter tızbesındegı 101, 102, 103 jäne t.b. nömırlerdıŋ qataryna engızıledı.
