Iandeks NIS-te

7235
Adyrna.kz Telegram

Taldyqorǵan qalasyndaǵy Nazarbaev Zııatkerlik mektebiniń bazasynda Iandeks baǵdarlamalaý mektebiniń resmı ashylýy ótti. Kýrs tyńdaýshylaryn aqparattyq tehnologııalar salasyndaǵy iri kompanııalardyń biriniń ókilderi resmı túrde quttyqtady.

20 mektep oqýshysy bir jyl boıy baǵdarlamalaýdy tegin oqıtyn bolady. Baqytty jandardyń biri – Taldyqorǵan qalasyndaǵy Zııatkerlik mektebiniń  9-synyp oqýshysy Baıtas Qurmantaev.

 IT baǵyty men úshin árqashan qyzyqty baǵyttardyń biri. Iandekstiń Python tilinde baǵdarlamalaý negizderi kýrsy maǵan tájirıbe, bilim jáne bolashaqta ázirleýshi ​​bolý jolynda ilgerileýshilik beretini sózsiz, — dep Baıtas óz pikirin bildirdi.

Qazaqstan Respýblıkasy boıynsha GR Yandex kompanııasynyń basshysy Sultan Bıjanovtyń aıtýynsha, Iandeks bilim berý bastamasy – bul tehnologııanyń kómegimen eldegi bilim berý ortasyn jaqsartý baǵdarlamasy bolyp keledi.

«Billing 360» servısiniń ázirleýshisi Dastan Iembergen oqýshylarǵa baǵdarlamany meńgerýge kómektesedi. Dastan Taldyqorǵan Nazarbaev Zııatkerlik mektebiniń 2015 jylǵy túlegi. Búgin ol Iandekstiń tabysty IT mamany.

Týǵan jerge daryndy oqýshylarǵa tálimger retinde qaıta oralǵanyma qýanyshtymyn. Men Nazarbaev Ýnıversıtetinde úshinshi kýrsta oqyp júrgenimde Iandeks lıeıinde sabaq berý tájirıbem boldy. Baǵdarlamalaý kýrsynyń bıyl Taldyqorǵanda ashylǵanyna óte qýanyshtymyn», - deıdi Dastan suhbatynda.

Kýrs túlekteri baǵdarlamalaý mektebin aıaqtaǵannan keıin Iandeks Lıeı-de onlaın formatta ári qaraı aıtı-salasynda oqýyn jalǵastyra alady. Oqýshylarǵa Go nemese Mamandaný: oıyndardy ázirleý, derekterdi taldaý, mashınalyq oqytý nemese Django-da veb-ázirleý boıynsha jańa kýrstaryn tańdaýǵa múmkúnshilik beriledi.

Pikirler