IIM orynbasary Igor Lepeha kimderge alkogol ishýge resmı túrde tyıym salynýy múmkin ekenin túsindirdi, dep habarlaıdy «Adyrna» ulttyq portaly.
Tengrinews.kz málimetine sáıkes, IIM otbasylyq tırandarǵa qarsy sharalardy qolǵa aldy. Olardyń qatarynda – sot sheshimi boıynsha ishimdik ishýge tyıym salý, qoǵamdyq jumystarǵa tartý, turǵyn úıden shyǵarý, psıhoterapevtke mindetteý.
Úkimet qaýlysynda Igor Lepeha bul másele tek turmystyq zorlyq-zombylyq jasaǵan adamdarǵa ǵana qatysty emes ekenin túsindirdi.
«Búginde erekshe talaptar bar: sýdıa «alkogoldi ishimdikterdi tutynýǵa tyıym salý» týraly sheshim shyǵarady, mysaly, úsh aıǵa. Eger qońyraý tússe, mindetti emes (turmystyq zorlyq-zombylyq týraly - esk.), shartty túrde tynyshtyqty buzý, kelip azamattyń mas ekenin kórsek, bul – zańbuzýshylyq», - dedi IIM ókili.
Ol bul sharalardy qoldaný úshin áıeldiń kúıeýiniń ústinen polıııaǵa shaǵymdanýy ereje boıynsha talap etilmeıtinin aıtty. Tirkelgen azamattardy ýchaskelik polıııa qyzmetkerleri de «qadaǵalaıdy».
«Ýchaskelik polıııa qyzmetkeri aralaıdy. Sot sheshimi nemese minez-qulqyna qatysty erekshe talaptar qoıylǵan barlyq adam profılaktıkalyq baqylaýǵa alynyp, ýchaskelik ınspektor barady», - dep qosty Lepeha.
«Adyrna» ulttyq portaly
