Almatyda qalyŋ toptyŋ namaz oqu üşın joldy japqany turaly oqiǧaǧa bailanysty polisiia tergeu jūmystaryn jürgızıp jatyr. Būl turaly QR Işkı ıster ministrlıgı QazTAG agenttıgınıŋ saualyna bergen jauabynda mälımdedı, dep habarlaidy "Adyrna" ūlttyq portaly.
Ministrlıktıŋ habarlauynşa, joldy jabu äreketı jol qozǧalysy erejelerın būzu bolyp tabylady jäne QR Äkımşılık qūqyqbūzuşylyq kodeksınıŋ 614-babyna (Kölık qūraldarynyŋ qozǧalysyna kedergı keltıru) säikes jauapkerşılıkke äkeledı.
«Atalǧan faktı boiynşa tergeu jürgızılude, onyŋ qorytyndysy boiynşa polisiia qyzmetkerlerınıŋ äreketıne qūqyqtyq baǧa berıledı. Kez kelgen, sonyŋ ışınde dıni sebeptermen joldy jabu jol qozǧalysy erejelerın būzu bolyp tabylatynyn jäne Äkımşılık kodekstıŋ 614-babynyŋ (Kölik qūraldarynyŋ qozǧalysyna kedergiler jasau) talaptaryna säikes jauaptylyqqa äkep soǧatynyn eskertip öteiık», – dep habarlady IIM.
Oqiǧa 7 jeltoqsan künı oryn alǧan. Būl jaǧdai qoǧamda qyzu pıkırtalas tuǧyzdy.
Ūqsas jaŋalyqtar
